aYakub 5:14 - Izere New Testament

¹⁴ Akak yin kuse a ta nye atser baꞌ, kaye̱e̱r yin a? A ra yis asho̱n ikilisiya nong a tu ku nye aduwa ne á ni kon name niwu kaye̱e̱r riyerek Agwo̱m Ágwo̱m yir aYeso.

aYakub 5:14 Referans Kwoze

aMarkus 6:13

Á turung ámaan nabik dide̱ng ne á ni kon name na áfe iro̱k whe̱re̱ ne ka sak ba, á tá te atser.

Itomong Ámanzo 28:8

Atek aPubiliyus'e nye atser baꞌ, a se nameneng be kuro̱m kuzhosh ne atini. Ayong aBulus no̱ kaye̱e̱r'e a tá su ku nye aduwa a tin sak kubo̱k ritek natoon wu ne a ku sak a tá te atser.

aMarkus 16:18

Á tà yising íwhen be ibo̱k ba. Ke á so̱ amaan nado̱m, na tú ku nye ba ike̱ng ikak baꞌ. Á tin saas ibo̱k ba natoon áya a ta nye atser baꞌ, ne á tà te atser.”

aTitus 1:5

Mi tá won na aKirit nong ase̱ wan ta gang itomong iya i ta rusek dar kugang ne i te áko̱k kasho̱o̱n ikilisiya kaye̱e̱r koakye kuwo̱p kyo̱ndi mi tá ka tak.

Itomong Ámanzo 15:4

Nizen á ta se no̱ ba na aUshalima, áfikuus cice̱r ne ámanzo be áko̱k kasho̱o̱n tú ku shan ba niren. Iyong aBulus be aBarnabas tú ku taas ba cice̱r ike̱re̱ iya Adakunom ta nye be ba.

Itomong Ámanzo 14:23

aBulus be aBarnabas tú kasa ba áko̱k kasho̱o̱n ikilisiya be kunye aduwa ne azumi ne á ku won ba nubo̱k Agwo̱m Ágwo̱m aya ba tin no̱o̱k katsak.

Itomong Ámanzo 9:40

aBitrus fe̱ be ba ye á ra wuruk nufang cice̱r ba, yong a tigbok akuur kaben á ta nye aduwa. A kirik a tá ye̱re̱k kukom'e ne a fe̱ ye, “aTabita, dorok.” Iyong aTabita karak anyisi wu. A tá fa di aBitrus yong a dorok a tá sonong

Itomong Ámanzo 11:30

Anong ne á nye ba ne tá tom Ashawulu be aBarnabas itso̱m'e nong á ta se no̱o̱k asho̱n ikilisiya aYahudiya.