aYakub 4:4 - Izere New Testament

⁴ yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

aYakub 4:4 Referans Kwoze

aRom 8:7

Kamok koangan afe rine̱n tin nye rigwo̱m natoon wu te amudo̱n Adakunom'ong, kamok a kuus Itsi Adakunom ta fe̱ baꞌ, a ta kyem a nye baꞌ.

aGalati 1:10

To̱, yong yin di yin ye, mi shim ánerawe tin kerek ka Adakunom e̱? Ka yin di yin ye, mi shim ta kare̱p ánerawe riye̱ a? Ke i fa nye ye mi ru shim ta kare̱p ánerawe riye̱, ke mi ba nye asam aKiristi baꞌ.

aYohana 15:19

Ke a fa fe̱ ye yin nye yin áfe kazatse, ke kazatse ta shim yin kamok yin ta nye yin áfu. Kyo̱ndi i ta se, yin nye yin áfe kazatse baꞌ, amma mi ma ka kasa yin kaye̱e̱r áfe kazatse. Iyong ne i sak kazatse ta ka rayin yin.

aMatiyu 6:24

“Koakak kuse a tana kyem a nye átekasa afa itomong ni izen izining baꞌ. Ke a nye anong, a ta shim akak ne a rawu akak, ka ne a tiyiik akak ne a zhe̱e̱sh akak. Yin ta kyem i ti te yin riye̱ ni ikuus Adakunom ne i bun i ni te yin riye̱ ni itso̱m baꞌ.

aYohana 17:14

Mi mak no̱o̱k ba rife̱ wan yong kazatse tú raba ba, kamok ba nye áfe kazatse baꞌ, kyo̱ndi mi ta nye afe kazatse baꞌ.

aYakub 1:27

Kuren katsak Adakunom kuya Ada yir Adakunom ta sok ye kunye kujel'e nye, ku nisak riye̱ ni nakpiin be akumung kaye̱e̱r risam ba, ne i yiir rice wan fan kazatse ba ka sak ta wondar I se jel.

aRom 5:10

To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.

aMatiyu 16:4

Ámaan anerawe, áfe a ta won katsak áfe izam iyu shim a ta di itomong azhing, amma a ta ka nye ba'me baꞌ, ma ke ife aZhona.” Ayong aYeso dorok a tú ku won ba á ta tseng.

aYohana 7:7

Yin kazatse ta kyem ka ta ka ranyin baꞌ, amma ka ti ramin kamok mi fe̱ ye itomong wu nye imaan'e.

aLuka 19:27

Be̱e̱n yin be ámudo̱n'i áfe a tá shim mi tin nye rigwo̱m niba baꞌ, nong tu ku fe̱s yin ba aze nasho̱o̱n'i.’ ”

aMatiyu 12:39

aYeso fe̱ be ba ye, “Ámaan aner izam na a ta shonong, i ta shim a ta ye̱re̱k ike̱re̱ azhing á ta ra ku nye ba'me baꞌ, ma ke ife aZhona aner kuzarap.

1 aKoranti 1:20

To̱, afe a ta fe̱ ye wu be kukyem se ake̱ e̱? Afe a ta ren ike̱ng se ake̱ e̱? Afe a ta ren kuya nanan afe izam iyu se ake̱ e̱? Adakunom n sak ritseng afe kukyem kazatse na sor rifunam tsek aꞌa?

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.