aYakub 4:3 - Izere New Testament

³ Izen iya yin rip yin i se̱ yin baꞌ, kamok yin rip yin be amaan kuto̱ro̱ng nong ta wei yin ikeng iya yin ta se̱ yin nike̱re̱ rice yin.

aYakub 4:3 Referans Kwoze

1 aYohana 5:14

Yir tseng yir nasho̱o̱n Adakunom be riye̱ rizining, kamok ke yir tu rip yir koakye i ta nye kushim wu, a tin fok yir.

1 aYohana 3:22

Adakunom tin no̱o̱k yir koakye yir tu ku rip yir, kamok yir kuus yir rife̱ wu ne i nye yir ike̱re̱ wu ta shim.

aYakub 4:1

Akye̱ ne be̱s be kuren, be riwo̱ng nanu kaye̱e̱r yin e̱? I be̱s kamok ike̱re̱ yin ta shim yin iya i ta nye itso̱m kaye̱e̱r aye̱ yin aꞌa?

aLuka 15:13

“Nama inom cie̱k, igon kawusong'e tusung ike̱re̱ wu cei, nong a tá be niben ikak tsik, azong ne a se fe̱r be itso̱m wu ame kpe̱de̱ng.

aMarkus 10:38

Amma aYeso fe̱ be ba ye, “Yin ren yin ike̱ng iya yin ta rip yin baꞌ. Yin ta kyem i so̱ yin kaye̱e̱r ako̱p aya mi tanin so̱ a? Ka a ta ka nye yin abatisma kuri aya a tanin nye'me a?”

aMatiyu 20:22

Amma aYeso fe̱ be ba ye, “Yin ren yin ike̱ng yin ta tse̱r yin baꞌ. Yin ta kyem i so̱ yin na ako̱p mi tanin so̱ a?” Ba tú ku shim'e ye, “Yir ta kyem yir.”

aLuka 15:30

Amma igon wan na, afe a tá se wei be kurum wan nufe inyak ágwo̱m tá fa be̱ kari, wan tú ku tse̱e̱r kugbang kumung.’

aLuka 11:10

Kamok koangan afe a ta rip ne a tu ku no̱o̱k, afe a tà tse̱r a tà se̱, afe a ta rus kanukutu a tu ku karak'e.