aYakub 3:1 - Izere New Testament

¹ Aroneng, tu te yin afe kubo̱so̱p anerawe'me wher baꞌ, kamok yin ren yin ye yir afe i ta bo̱so̱p ánerawe'me, yir ne a tin to̱ yir amok be agap ne nar.

aYakub 3:1 Referans Kwoze

1 aTimoti 1:7

Á shim á ta tonong'e ye ba nye áner kubo̱so̱p Itsi Adakunom, amma á ren ike̱ng iya ba tin fe̱ natoon'e baꞌ, ka ike̱re̱ iya ba ta yiir ding ding baꞌ.

1 aBitrus 5:3

Tin nye yin rigwo̱m natoon ba be agap baꞌ, sor yin kusor kuri kuya ba tana kuus ane̱e̱ yin.

1 aKoranti 12:28

Kaye̱e̱r áfikuus, Adakunom kasa ámanzo a ta te áfe ime̱se̱ng'e, afe afa nye áner kuzarap, afe ataar nye áfe kubo̱so̱p ánerawe'me. Ákak nye áfe kunye itomong azhing, ne áfe kusak áfe iro̱k ta te atser, ne áfe a tana tobok ánerawe. Ne ákak áfe kube ánerawe, nigang'e áfe a tana fe̱ ni írem iduk.

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

2 aKoranti 5:10

Kamok koangan yir ta nyeseng nasho̱o̱n itsik amok aKiristi, nong a tà shan ishorong wu tite̱re̱ be ike̱ng wu tá nye kum ni wu rusek nuro̱m na, ka i tu nye itek ka imaan'e.

Ibrani 13:17

Kuus yin ike̱ng iya áko̱k kasho̱o̱n yin ta fe̱, ne i nye yin ike̱ng a ta fe̱ be yin, kamok ba ne a ti sak riye̱ natoon yin kamok a ta tak kuto̱ itomong ba katuk kakak. Ka fok yin ba kuto nong itomong ba ta ka be ba ifeng sang kyo̱ndi acer baꞌ. Ke itomong'e ta sor ba acer, iyong ta ka barang mo yin ike̱ng ikak baꞌ.

aLuka 16:2

Ayong arum'e yis aner a tin sak riye̱ nike̱re̱'me nong a tú ku rip ye, ‘Akye̱ kuri rife̱ ne mi foos natoon wan e̱? Ni tonong itomong wan tá nye. Wan tà ba ni nye itomong baba baꞌ.’

2 aTimoti 1:11

Kamok Rife̱ Ritek'e ne Adakunom ti kasa mi nong tá te aner kunye awazi ne i te amanzo ne i te aner kubo̱so̱p ánerawe'me.

aYohana 3:10

Ayong aYeso fe̱ be wu ye, “Wan nye aner akak'e kaye̱e̱r áfe kubo̱so̱p áner Isarela'me, wan ra kyem i ren iyu gip aꞌa?

aMatiyu 10:24

“Aner aya a ta sen bo̱so̱p ike̱ng kun nar aner aya a tú ku bo̱so̱p'e baꞌ, ka asam ta nar atekasa wu baꞌ.

aLuka 6:37

“Sang tu to̱ yin akak amok baꞌ, fan a ba ka to̱ yin'e. Sang tu te̱n yin akak amok baꞌ, fan a ba ka te̱n yin'e. Re̱ng yin ákak rine̱n ba, nong a tà ma ka re̱ng yin rife̱ yin.

aMatiyu 9:11

Áner aFarisi akak tá di anong iyong a rip álimazhiri'me ye, “Akye̱ sak áner kubo̱so̱p yin yas be áfe kushashang itsom iben ne áfe rine̱n e̱?”

Itomong Ámanzo 13:1

Áner kuzarap ákak ne áner kubo̱so̱p tuse kaye̱e̱r áfikuus Antakiya. Ákak kaye̱e̱r ba nye aBarnabas be aSiman aya a tú ku yis ye kukpa kuwe ne aLushiyos a tá nye aner aKurane'me be aManayen (aya a tá ta mak be aHiridus) ne Ashawulu.

aYakub 1:16

Aroneng'i, tu won a ta ka wo̱ro̱k yin baꞌ.

aYakub 1:19

Aroneng'i atek, yiring yin iyu; koangan ra se gbashak nufok rife̱, amma ne se whiwhe̱ nife̱ kanu, be kubeseng riye̱.

aYakub 3:10

Kanu kazining a tin kerek be kanu'me ne a ti fiming. Aroneng'i, i tu se anong baꞌ.

aMatiyu 23:14

[Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin mo̱o̱r yin ákumung ne i nye yin aduwa aso̱p afe abo̱o̱s. Kamok anong, a tà ka to̱ yin amok aya a ta nar afe koangan.]