aYakub 2:5 - Izere New Testament

⁵ Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

aYakub 2:5 Referans Kwoze

aMatiyu 5:3

“Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

aLuka 6:20

Ayong aYeso kirik a tá ye̱re̱k álimazhiri wu ne a fe̱ ye, “Áner riye̱ rikan ne á nye yin áfe rizor kamok rigwo̱m Adakunom nye rife̱ yin.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aLuka 12:21

“Anong ne i tà se be koangan afe a tá tusung rice wu ike̱re̱, Adakunom tú di kyo̱ndi arum baꞌ.”

1 aBitrus 1:4

Be anong ne yir ti te yir riye̱ nong ta ya yir kutse kuya sang ku tana gang ka ku ta beseng ka ku tà te rish baꞌ, amma kuya a ta ka sak yin'e kaye̱e̱r kaza.

aYakub 1:12

Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.

Ibrani 11:26

A nar kushim a tá fok isum kamok aKiristi be a tana sor kaye̱e̱r kurum aMasar, kamok a tsang a ni te riye̱ nishorong wu.

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

1 aKoranti 2:9

Kyo̱ndi i ta se ni izibir ye, “Akak kun di baꞌ, akak kun fok baꞌ, akak kun to̱ riye̱ wu ike̱ng iya Adakunom ta nye kanye̱k'e kamok áfe a tu ku shim baꞌ.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.

aYakub 1:9

Aroneng aya a ta se ni mees rice, a ra nye riye̱ rikan ni itsik igbang'e wu tin se.

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

2 aKoranti 6:10

kaye̱e̱r riye̱ riwe, gip be anong yir sor yir be riye̱ rikan. Yir be yir rizor amma yir sak yir ákak te árum nabik, yir sor yir ye yir be yir ike̱ng ikak baꞌ, amma ike̱re̱ cice̱r nye ife yir.

Ike̱ng a ta tonong aYohana 3:18

Mi tà ka no̱o̱k ibo̱ro̱ng, shan izinariya aya a tan shirik be kuro̱ng nunaan nong ta te árum kaye̱e̱r kabik, be ares akan nong tin kis kuro̱m wan fan i bu fok isum. Shan rikan anyisi nong tà di karo̱ gye̱r.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

aLuka 16:25

“Amma Ibrahim fe̱ be wu ye, ‘Igon'i, yiring nizen wan tá se nazatse, wan se̱ ike̱re̱ itek, aLazarus so̱ risam. Kyo̱o̱rna a sen fok kusas kusor aze, ne wan ma sen so̱ amaan risam.

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

2 aBitrus 1:11

Be anong ne a tà ka shan yin ibo̱k ifa kaye̱e̱r rigwo̱m Agwo̱m Ágwo̱m rife̱ izen izen rife̱ Aner Kashesh yir.

2 aTimoti 4:18

Agwo̱m Ágwo̱m tin shesh kaye̱e̱r koakye kuri ike̱ng imaan'e i tana be̱ ne á tseng be mi gye̱k gye̱k ma kaye̱e̱r kasa rigwo̱m wu kaye̱e̱r kaza. Won kuyiik tu nye kufu ma izen izen! Anong.

2 aTasalonika 1:5

Ike̱re̱ na cice̱r tonong ye amok Adakunom se gye̱r ne i bun tonong ye yin kyem tà sor yin kaye̱e̱r rigwo̱m Adakunom rife yin ta sen ni so̱ yin risam kamok'e.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aLuka 16:22

“Katuk kakak aLazarus'e ku, yong ámaleka tú sok nong á tá tseng be wu nufe Ibrahim naro̱ kayiik'e. Arum ame ma ku gip, yong a tú ne̱r.

aYakub 1:16

Aroneng'i, tu won a ta ka wo̱ro̱k yin baꞌ.

1 aTasalonika 2:12

Yir ta nyesek yin itabak ne i ka tsesek yin ne i bun i ka nye yin akusuk nong ta sor yin kuri kusor kuya Adakunom ta shim kamok wu ne a tá ka yis yin kaye̱e̱r kuyiik wu ne rigwo̱m wu.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

2 aKoranti 4:15

Ike̱re̱ na cice̱r se kamok yin, nong nizen iya ritek Adakunom tana se̱ ánerawe whe̱re̱, i ta sak a ta nye riye̱ rikan be Adakunom dide̱ng nong a tu ku tiyiik makiyi.

aYohana 7:48

Ka yin kun di yin ako̱k kasho̱o̱n ka aner aFarisi akak tá kun ni no̱o̱k katsak ni wu a?

aLuka 22:29

Mi tà ka no̱o̱k yin rigwo̱m kyo̱ndi Ada mi tin no̱o̱k.

aMarkus 7:14

Ayong aYeso bun a yis rigwo̱m ánerawe'me nong a tá fe̱ be ba ye, “Wesek yin kuto tin fok yin gye̱r.

Itomong Ámanzo 7:2

Amma Itifanus fe̱ ye, “Ásho̱n be ároneng, wesek yin kuto tin fok yin. Adakunom a ta nye ayiik'e, ti wuruk na ada yir Ibrahim kum ne a rusek na aMasopotamiya nizham a tá ra se sor na aHaran.

aYakub 1:19

Aroneng'i atek, yiring yin iyu; koangan ra se gbashak nufok rife̱, amma ne se whiwhe̱ nife̱ kanu, be kubeseng riye̱.