aYakub 2:18 - Izere New Testament

¹⁸ Amma akak ta fe̱ ye, “Wan be kuno̱o̱k katsak; mi be kunye itomong.” Ni tonong kuno̱o̱k wan dar kunye itomong, nong mi ta ka tonong kuno̱o̱k katsak'i be itomong'a mi ta nye.

aYakub 2:18 Referans Kwoze

aYakub 3:13

Angan ne a be kukyem ne a ren ikeng kaye̱e̱r yin e̱? Won a tu tonong be kuse wu kutek, be kunye kutek ne kumees rice riya ri ta ne kaye̱e̱r kukyem.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

aYakub 2:14

Aroneng, akye̱ se gye̱r azong e̱? Ke anerawe nye di wu n no̱o̱k katsak, a ra nye itomong i ta tonong kuno̱o̱k katsak'e baꞌ e̱? Kuno̱o̱k katsak'ong tu ku shesh a?

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

aRom 14:23

Amma aner aya a tin be agak riye̱ natoon ike̱ng iya wu ta sen ya'me, nye rine̱n nasho̱o̱n Adakunom kamok a tin no̱o̱k katsak natoon ike̱ng'e baꞌ. Koakye ike̱ng iya sang i ti fereng natoon kuno̱o̱k katsak baꞌ, nye rine̱n.

Ibrani 11:31

Natoon kuno̱o̱k katsak ne a fe̱r aRahap a tá nye inyak agwo̱m mak be ribir áner á tá shonong baꞌ. Kamok a tá shan áner aya a tá tsang á ye̱re̱k kuwo̱p'e kyo̱o̱n.

Ibrani 11:33

Kuno̱o̱k katsak sak a tá ko̱n ne a ya ánerawe iben ze̱r ze̱r nitso̱m. A to̱ ánerawe amok gye̱r, ne á shan ike̱ng iya Adakunom tá fe̱ ye a ta no̱o̱k. Á whe̱e̱n nanu ázaki,

Ibrani 11:6

Akak ta kyem a kare̱p Adakunom riye̱ dar kuno̱o̱k katsak baꞌ, kamok koangan ne a be̱ nufu ma a ti no̱o̱k katsak ye wu kuse, ye a nyesek aya a tu ku tse̱r be katsak ishorong ba.

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

aRom 3:28

Rife̱ yir se ye anerawe ta te gye̱r nasho̱o̱n Adakunom kamok kuno̱o̱k katsak wu, sang be ku kuus ike̱ng iya Itsi ta fe̱ baꞌ.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

aRom 4:6

Iyuna ne i nye ike̱ng aDauda tin fe̱ natoon'e, nizen iya a tá fe̱ natoon aner riye̱ rikan aya Adakunom tú ku sok kyo̱ndi a se gye̱r nasho̱o̱n wu, sang kamok itomong aner'e tá nye baꞌ.

aRom 9:19

Kashim ne akak yin fe̱ be mi ye, “To̱, akye̱ sak Adakunom bun a di rine̱n yir e̱? Angan tà kyem a gaar ike̱ng wu tá shim e̱?”