aYakub 1:26 - Izere New Testament

²⁶ Ke akak sok rice wu ye wu ren Adakunom ne a ra kyem a yiir kanu wu baꞌ, a wo̱k rice wu, i nye ye kuren Adakunom wu sor ikeng ikak baꞌ.

aYakub 1:26 Referans Kwoze

Afisa 4:29

Sang akpe̱de̱ng rife̱ tu wuruk kaye̱e̱r kanu yin baꞌ, amma fe̱ yin rife̱ ritek riya ri tana no̱o̱k ákak kuya kasho̱o̱n natoon ike̱ng ba ta sen tse̱r'e nong áfe a ta ka foos'e ta se̱ kutobok.

1 aBitrus 3:10

Kamok i se ni izibir ye, “Aner aya a ta shim a ta fok kusas kusor ne a shim a ta sor dide̱ng nazatse na, a ra won nyas be abo̱o̱s.

Afisa 5:4

Ka a tu fok amaan kunye, ka akpe̱de̱ng rife̱ ka ame̱rzhe̱k rife̱ kaye̱e̱r yin baꞌ, kamok i se gye̱r a ta foos rife̱ kuri riyong kaye̱e̱r yin baꞌ, amma ban yiir tonong yin Adakunom riye̱ rikan ingya.

aKolosi 4:6

Won rife̱ yin tu sas kufok nong ase̱ yin ta ren yin kuri iren iya yin tana fe̱ yin be koangan aya a tana ka nye yin kurip.

aYakub 1:22

Tu foos yin rife̱'me tsek ne i wo̱k yin rice yin baꞌ, amma ninye yin itomong.

aYakub 1:19

Aroneng'i atek, yiring yin iyu; koangan ra se gbashak nufok rife̱, amma ne se whiwhe̱ nife̱ kanu, be kubeseng riye̱.

aLuka 8:18

Kamok anong, ni sak yin riye̱ be ike̱ng yin ta foos yin. Aner aya a ta be ike̱ng iya a tú ku barang mo, afe a ta be baꞌ kaban ike̱ng wu ta di ye wu be gip, a tin shan ni wu.”

aGalati 6:3

Ke aner akak di ye wu nye ike̱ng ikak, amma sang i ra se anong baꞌ, a wo̱ro̱k rice wu.

aGalati 2:6

Amma áya a tá nye áko̱k kasho̱o̱n'e ti barang ike̱ng ikak natoon Rife̱ Ritek mi tá ka taas ba baꞌ, mi fe̱ anong kamok mi daam be kuyiik akak baꞌ, Adakunom daam ye ka wan nye angan'e baꞌ.

aMarkus 7:7

Ku ya iben ba sor ike̱ng ikak baꞌ, ike̱ng ba ta bo̱so̱p ánerawe'me nye igo̱o̱n ánerawe tsek.’

1 aKoranti 15:2

Be Rife̱ Ritek na ne yin ti se̱ yin kashesh ke yin yiir yin rife̱ mi tá ka tak yin kpa. Ma ke i se ye yin ti no̱o̱k yin katsak kpe̱de̱ng tsek.

aMatiyu 15:9

Ba ti ya iben nawarak tsek, kamok ike̱ng ba ta bo̱so̱p ánerawe'me nong nye igo̱o̱n anerawe.’ ”

1 aKoranti 15:15

Iyong tonong ye yir ti bo̱ yir naborok na Adakunom kamok yir n taas yir ye Adakunom dorok aKiristi nure̱k. Amma a tú ku dorok baꞌ, ke i nye ye a dorok ikom baꞌ.

aYakub 2:20

Wan afunam akak, wan shim a ta ka tonong ye kuno̱o̱k katsak dar kunye itomong sor ikeng ikak baꞌ a?

aGalati 3:4

Aser, iriri risam yin ta so̱ yin nye ku kpe̱de̱ng tsek a? Ka i nye kamok ike̱ng ikak a?

aGalati 2:9

aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.

1 aKoranti 3:18

Sang tu naka wo̱ro̱k yin baꞌ. Ke akak di ye wu be ritseng kaye̱e̱r yin nizam iyu, a ra sok rice wu kyo̱ndi wu be ritseng baꞌ, nong ase̱ a ta kpa ritseng.