aYakub 1:22 - Izere New Testament

²² Tu foos yin rife̱'me tsek ne i wo̱k yin rice yin baꞌ, amma ninye yin itomong.

aYakub 1:22 Referans Kwoze

aRom 2:13

Sang áya a foos Itsi ne a se gye̱r nasho̱o̱n Adakunom baꞌ, amma áya a ta kuus ike̱ng iya Itsi'me tá fe̱, ne a se gye̱r nasho̱o̱n Adakunom.

aYohana 13:17

Kyo̱o̱rna, yin tá ren yin ike̱re̱ na, yin tà sor yin áfe riye̱ rikan ke yin kuus yin.

aYakub 4:17

Koangan afe a ta ren ikeng itek i ta se gye̱r ke a nye, a ra nye ba, i sor rine̱n.

1 aYohana 2:3

Ke yir nye yir ike̱re̱ Adakunom tá fe̱ ye i ra nye yir, iyong ne i ta tonong ye koangan yir ren Adakunom.

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”

1 aYohana 3:7

Inoon'i, yin aya mi ta shim, sang tu won yin akak ta ka wo̱ro̱k yin baꞌ. Aner a ta nye ike̱re̱ i ta se gye̱r ne a se gye̱r nasho̱o̱n Adakunom kyo̱ndi aYeso ta se.

aYakub 1:26

Ke akak sok rice wu ye wu ren Adakunom ne a ra kyem a yiir kanu wu baꞌ, a wo̱k rice wu, i nye ye kuren Adakunom wu sor ikeng ikak baꞌ.

aGalati 6:7

Sang tu wo̱k yin rice yin baꞌ, a ta kyem a wo̱ro̱k Adakunom baꞌ. Ike̱ng anerawe ta tuus, iyong ne a ta se̱.

3 aYohana 1:11

Are̱, wan aya mi ta shim, sang tu kuus ike̱re̱ iya i ta nye imaan'e baꞌ, kuus iya i ta nye itek. Koangan a ta nye ike̱ng i ta se gye̱r tonong ye wu nye igon Adakunom. Amma aner a ta nye amaan ike̱re̱ tonong ye sang wu ren Adakunom baꞌ.

aGalati 6:3

Ke aner akak di ye wu nye ike̱ng ikak, amma sang i ra se anong baꞌ, a wo̱ro̱k rice wu.

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

1 aYohana 1:8

Ke yir fe̱ yir ye yir be yir rine̱n baꞌ, i nye ye yir wo̱k yir rice yir, katsak kuse kaye̱e̱r yir baꞌ.

aFilipi 4:8

To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

1 aKoranti 15:33

Sang tu won yin akak ta ka wo̱ro̱k yin baꞌ, “Kusor be ámaan aner beseng kuse kutek.”

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

2 aBitrus 2:13

A tà ka karang ba be risam kamok ba no̱o̱k ákak risam. Ba fok kusas'e kunye ike̱re̱ isum kyo̱ndi agabu natite kunom. Kusor ba be yin nye ike̱ng isum ne ku nye amaan ike̱ng, á yas mak be yin gye̱rtatan nama anong ne á nye ike̱re̱ isum'ong.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

1 aKoranti 3:18

Sang tu naka wo̱ro̱k yin baꞌ. Ke akak di ye wu be ritseng kaye̱e̱r yin nizam iyu, a ra sok rice wu kyo̱ndi wu be ritseng baꞌ, nong ase̱ a ta kpa ritseng.

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

aYakub 4:11

Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.