aYakub 1:21 - Izere New Testament

²¹ Kamok anong, kam yin be ike̱re̱ kurisik ne iriri anyas nong ta mees yin rice ta shan yin rife̱ a tan tuus naye̱ yin, riya ri tana ka shesh yin.

aYakub 1:21 Referans Kwoze

Afisa 4:22

A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

1 aBitrus 2:11

Áfo̱ yin, áya mi ta shim, mi ta nye yin akusuk, kum yin ta nye yin átsen kaye̱e̱r kazatse na, yin be yin kasa aze baꞌ, ye i ra kam yin be kudi ike̱ng kuri kufe rinerawe. Kuse kuri kuyong ko̱n itsom be kabik yin.

aYohana 6:63

Kabik ne ka nyesek kutser, kuro̱m ti barang ike̱ng ikak baꞌ. Rife̱ mi tá fe̱ be yin nye rife̱ kabik ne kutser.

1 aBitrus 2:1

Kamok anong, kam yin be koakye kuri amaan kuse, be abo̱o̱s ne akardak kuse be rishishim be kpe̱de̱ng rife̱ cei.

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

aTitus 2:11

Kamok Adakunom tonong ritek wu nong ánerawe cice̱r ta se̱ kashesh.

aRom 1:16

Mi fok isum kutaas Rife̱ Ritek aYeso baꞌ, kamok ri nye kukyem Adakunom nong a tin shesh koangan afe a tin no̱o̱k katsak, ni ime̱se̱ng'e nye rife áner aYahuda ne áner aya a ta nye áner aYahuda baꞌ, ni kuus.

Ibrani 4:2

Kamok a min taas yir Rife̱ Ritek kyo̱ndi a tá ka taas ba. Amma rife̱ ba tá fok sor ike̱ng ikak nufu ba baꞌ, kamok áfe á tá fok ti no̱o̱k katsak baꞌ.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

1 aKoranti 15:2

Be Rife̱ Ritek na ne yin ti se̱ yin kashesh ke yin yiir yin rife̱ mi tá ka tak yin kpa. Ma ke i se ye yin ti no̱o̱k yin katsak kpe̱de̱ng tsek.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

aYohana 6:68

aSiman Bitrus fe̱ ye, “Atekasa, yir ta tseng yir nufe angan e̱? Wan ne i ta be Rife̱ Kutser.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

Itomong Ámanzo 13:26

“Ároneng, inoon atukop yir Ibrahim be yin áner i ta nye yin áner Isarela baꞌ, áya i ta fok yin inyim Adakunom, kutom itak kashesh kuya Adakunom ta tom na'me nye kufe yir cice̱r.

1 aBitrus 1:9

Kamok yin tana se̱ yin kashesh kutser yin iyong ne i sak yin tin no̱o̱k yin katsak.

aRom 11:17

Ke a bo̱ iwhang rifar riya ri ta ta, to̱, yin aya i ta se yin kyo̱ndi iwhang'e iya i ta ta baꞌ, a ta sok a tin gung mo, kyo̱o̱rna yin ma se̱s yin ashi'me aya a ta ta,

Itomong Ámanzo 10:33

Iyong ne mi wor i tom nufuan zizirik. I se gye̱r wan ta be̱. Kamok anong, yir na azena cice̱r yir nasho̱o̱n Adakunom nong ta fok ike̱ng iya Agwo̱m Ágwo̱m tá ka sak tin tak yir.”

aMatiyu 5:5

Áner riye̱ rikan ne á nye aner aya a ta mees rice ba, kamok ba ne á tà ya kazatse.

1 aTasalonika 1:5

kamok sang yir be̱ yir be Rife̱ Ritek'e be rife̱ kanu tsek baꞌ, amma rife̱'me be̱ be kukyem ne Kabik Kazhe̱l'e sang be agak riye̱ baꞌ amma be katsak cice̱r. Yin ren yin kuri kusor kuya yir tá sor yir be yin nong tá ka tobok yin.

Afisa 5:4

Ka a tu fok amaan kunye, ka akpe̱de̱ng rife̱ ka ame̱rzhe̱k rife̱ kaye̱e̱r yin baꞌ, kamok i se gye̱r a ta foos rife̱ kuri riyong kaye̱e̱r yin baꞌ, amma ban yiir tonong yin Adakunom riye̱ rikan ingya.

Afisa 4:25

Kamok anong koangan kaye̱e̱r yin ra won naborok nong a tà tak afegbak wu katsak, kamok cice̱r yir i nye yir áner aner azining.

aYakub 5:20

Yiring yin iyu, koangan ne a tu bun be aner rine̱n na amaan kunye wu, a tu ku shesh riku ne a kis rine̱n ri ta se gaan.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.