aYakub 1:14 - Izere New Testament

¹⁴ Amma koangan ne a no̱ nubo̱mo̱ng, ke a ti te riye̱ wu na amaan ike̱re̱ wu ta shim, ne ike̱re̱'me sok riye̱ wu.

aYakub 1:14 Referans Kwoze

Afisa 4:22

A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

aMatiyu 15:18

Amma ike̱re̱ i ta wuruk nanu anerawe nes kaye̱e̱r riye̱ wu, iyong ne i sak anerawe ta won dar a se zhe̱l.

Ibrani 3:13

Amma yiir i naka tsesek yin kunom. Ni nye yin itomong be koakye izen iya a ta yis ye, “katuur”, nong fan rine̱n bu wo̱k akak yin nong ta shonong.

aRom 7:13

To̱, iyong ike̱ng i ta nye itek ti be̱e̱n riku a? Wayo, cie̱k, rine̱n ne ri ti be̱e̱n riku nong a ta ren kunik rine̱n, be Itsi ne rine̱n ta wuruk kanang be kurisik wu.

aMatiyu 5:28

Amma kyo̱o̱rna'me, mi ta tak yin ye, koangan ne a di aner abining a shim kaye̱e̱r riye̱ wu ye ke wu men be wu, a nye rikuna be wu kaye̱e̱r riye̱ wu.

aRom 7:11

Rine̱n tu se̱ karo̱ kamok Itsi'me, i tin wo̱k i tin fe̱r.

aMatiyu 15:20

Ike̱re̱ iyong ne i sak anerawe ta won dar a se zhe̱l, kuya naya dar ku kusu ibo̱k ta kyem sak anerawe ta wor dar a se zhe̱l baꞌ.”

aMatiyu 4:1

Iyong Kabik Kazhe̱l tseng be aYeso kaye̱e̱r katse ne Ishetan su ku bo̱mo̱ng.

aYakub 1:13

Izen iya ne wan no̱ nubo̱mo̱ng, sang tu fe̱ ye, “Adakunom sen ni bo̱mo̱ng baꞌ,” kamok a bo̱mo̱ng Adakunom be imaan'e baꞌ, ka wu bo̱mo̱ng akak baꞌ.

aYakub 1:15

To̱, izen iya ne kushim riye̱ wu nyeseng be agap, a ta yiir nye rine̱n, ke ri rasak dide̱ng, ri ta be̱e̱n be riku.