aTitus 3:9 - Izere New Testament

⁹ Amma kam be akikar afe rifunam ne aduk atin ne kafa iriri ízam atukop atukop be kuya nanan ne kuren natoon Itsi kamok ike̱re̱ kuri iyong nye ikpe̱de̱ng'e, i tin barang ike̱ng ikak baꞌ.

aTitus 3:9 Referans Kwoze

2 aTimoti 2:14

Ya kasho̱o̱n be kuka yiring ba ike̱re̱ na. Ku zhe̱e̱r ba nasho̱o̱n Adakunom ye, á ra won kuya nanan natoon naban azhizhe̱k rife̱. Rife̱ kuri riyong ti barang ike̱ng ikak baꞌ, ma ke ri bu beseng áya a ta foos tsek.

2 aTimoti 2:23

Sang ike̱ng ikak ta ka gung be kuya aduk nanan baꞌ, kamok wan ren anong be̱ be aduk riwo̱ng.

1 aTimoti 4:7

Tin te rice wan nifoos ákpe̱de̱ng atin áfe kasho̱o̱n baꞌ. Amma yiir no̱o̱k rice wan nong ta bo̱so̱p kuse kuri kufe Adakunom.

2 aTimoti 2:16

Kam be akpe̱de̱ng rife̱, rife̱ kuzhe̱e̱sh Adakunom, kamok kuse kuri kuyong tà tseng be ánerawe kaye̱e̱r kuse kuri kuya Adakunom ta shim baꞌ.

aTitus 1:14

nong á tà won kufoos atin afekasho̱o̱n áner aYahuda ne ku kuus itsi ánerawe áya a ta gaar katsak.

1 aKoranti 8:1

To̱, natoon naya a tá nye kamok itsi, yir ren yir ye yir cice̱r yir ren ike̱re̱ dide̱ng. Kuren ike̱ng dide̱ng sak anerawe ta ya kuka, amma kushim be̱e̱n kuya kasho̱o̱n.

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

aYakub 4:1

Akye̱ ne be̱s be kuren, be riwo̱ng nanu kaye̱e̱r yin e̱? I be̱s kamok ike̱re̱ yin ta shim yin iya i ta nye itso̱m kaye̱e̱r aye̱ yin aꞌa?