aTitus 3:7 - Izere New Testament

⁷ A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

aTitus 3:7 Referans Kwoze

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aRom 3:24

Amma kamok ritek Adakunom tá nyesek warak a sak koangan se̱ ku te gye̱r nasho̱o̱n wu kamok kashesh kaya aYeso tá be̱e̱n'e.

aTitus 2:11

Kamok Adakunom tonong ritek wu nong ánerawe cice̱r ta se̱ kashesh.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

aGalati 2:16

Yir ren yir ye sang ánerawe te aner azhe̱l'e nasho̱o̱n Adakunom ke a kuus Itsi aMusa baꞌ, amma kamok ku nino̱o̱k katsak wu na aYeso Kiristi. Yir gip yir min no̱o̱k yir katsak na aYeso Kiristi'me nong ta te yir ázhe̱l'e nasho̱o̱n Adakunom. Yir te yir zhe̱l kamok ku ni no̱o̱k katsak yir na Kiristi, sang kamok ku kuus Itsi baꞌ. Kamok kukuus Itsi ne ku ta sak aner akak ta te azhe̱l'e nasho̱o̱n Adakunom baꞌ.

aRom 11:6

Ke i se ye kaye̱e̱r ritek wu to̱, i nye ye sang kamok itomong ba baꞌ. Ke i se ye kamok itomong ba, to̱, i nye ye ritek wu'me nye katsak baꞌ.

aGalati 3:29

Ke yin nye yin áfe aKiristi to̱, i nye ye yin nye yin inoon Ibrahim, áfe kuya kutse wu kyo̱ndi Adakunom tá tsang a no̱o̱k kuto̱.

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

aRom 3:28

Rife̱ yir se ye anerawe ta te gye̱r nasho̱o̱n Adakunom kamok kuno̱o̱k katsak wu, sang be ku kuus ike̱ng iya Itsi ta fe̱ baꞌ.

1 aBitrus 3:7

Yin átek gip, ren yin kuri kusor kuya yin tana sor yin be ányining yin. Ba be agap kyo̱ndi yin baꞌ. Ku tiyiik yin ba kamok yin be ba cice̱r, yin shan yin ayiik kutser Adakunom nawarak mak. Nye yin anong fan ike̱ng ikak bu te̱ne̱ng aduwa yin.

Ibrani 11:9

Natoon kuno̱o̱k katsak ne a ti sor kyo̱ndi aner atsen naro̱ kaya Adakunom tá fe̱ ye a tú ku no̱o̱k, niben ikak. A sor nubur mak Ishaku ne aYakub áfe a tá te áya kutse ike̱ng iya Adakunom tá fe̱ ye a tú ku no̱o̱k ba.

Ibrani 11:7

Natoon kuno̱o̱k katsak ne aNuhu ti kpa inyim izhe̱l'e nizen iya a tú ku ko̱ro̱k kuto natoon ike̱re̱ wu tan di baꞌ. A no̱k kukpara ashi a tin shesh áfekari wu. Kuno̱o̱k katsak aNuhu sak a tak kazatse rine̱n ba, aNuhu tà sor aya kutse kamok a se gye̱r nasho̱o̱n Adakunom, kuya a ta se̱ natoon kuno̱o̱k katsak.

Ibrani 6:17

Adakunom shim a ta tonong aner aya a tana di ike̱ng iya wu tá fe̱ ye wu shishing baꞌ, yong a shu.

aGalati 4:7

Kamok anong, wan ba nye asam baba baꞌ, amma wan nye igon, kum wan ta nye igon, Adakunom ma ka sak wan n te aya kutse gip.

aRom 4:4

Aner aya a ta nye itomong nong a tu ku karang, ke a tu no̱o̱k ishorong wu, sang i tonong ye a tu nang nawarak baꞌ, amma a tú ku karang ishorong itomong wu.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMarkus 10:17

aYeso tá se be kutseng kutsang wu, yong aner akak tsang a teng nong a tá be̱ a tigbok akuur nasho̱o̱n wu nong a tá fe̱ be aYeso'me ye, “Aner Kubo̱so̱p atek, akye̱ ne mi ta nye nong ta se̱ kutser kufe izen izen e̱?”

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.