aTitus 3:5 - Izere New Testament

⁵ a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas.

aTitus 3:5 Referans Kwoze

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

Afisa 2:4

Amma Adakunom be kuro̱ riye̱ dide̱ng, kushim wu natoon yir se makiyi,

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

aRom 11:6

Ke i se ye kaye̱e̱r ritek wu to̱, i nye ye sang kamok itomong ba baꞌ. Ke i se ye kamok itomong ba, to̱, i nye ye ritek wu'me nye katsak baꞌ.

Ibrani 4:16

Won yir tu be̱ yir nasho̱o̱n itsik ritek Adakunom'me be riye̱ rizining, nong ase̱ ta se̱ yir kuro̱ riye̱ be ritek nizen iya i ta se yir kaye̱e̱r kutse̱r.

aKolosi 3:10

nong i ta sok yin kuse kufas. Iyu ne i nye aner afas, aya Adakunom, aner a ta nye'me, yiir shishing'e nong a tu ku tas nong a ta sak yin tù ku ren yin dide̱ng.

aGalati 2:16

Yir ren yir ye sang ánerawe te aner azhe̱l'e nasho̱o̱n Adakunom ke a kuus Itsi aMusa baꞌ, amma kamok ku nino̱o̱k katsak wu na aYeso Kiristi. Yir gip yir min no̱o̱k yir katsak na aYeso Kiristi'me nong ta te yir ázhe̱l'e nasho̱o̱n Adakunom. Yir te yir zhe̱l kamok ku ni no̱o̱k katsak yir na Kiristi, sang kamok ku kuus Itsi baꞌ. Kamok kukuus Itsi ne ku ta sak aner akak ta te azhe̱l'e nasho̱o̱n Adakunom baꞌ.

aRom 3:20

Akak ta se̱ ku te gye̱r nasho̱o̱n Adakunom kamok a ta kuus ike̱ng iya Itsi tá fe̱ ye a ra nye baꞌ. Ike̱ng iya Itsi ta nye se ye, nong i ta tonong ánerawe rine̱n ba ingya.

1 aBitrus 2:10

Gbugbang yin tsang i nye yin ánerawe Adakunom baꞌ, amma kyo̱o̱rna yin nye yin ánerawe Adakunom. Gbugbang yin tsang i se̱ yin kuro̱ riye̱ Adakunom baꞌ, amma kyo̱o̱rna yin n se̱ yin.

Afisa 4:23

Fa gye̱ ke yin shishing yin kuto̱ro̱ng yin nong ku ta te kufas.

aRom 3:28

Rife̱ yir se ye anerawe ta te gye̱r nasho̱o̱n Adakunom kamok kuno̱o̱k katsak wu, sang be ku kuus ike̱ng iya Itsi ta fe̱ baꞌ.

aRom 9:11

Kum ne an tsang a tes Isuwa be aYakub baꞌ ka kum ne ba tsang an nye ike̱ng ikak itek ka imaan'e baꞌ, Adakunom fe̱ be aRifkatu ye, “Igon kako'me tà nye kawusong'e itomong.” Adakunom fe̱ anong nong a ta tonong ye aner a tana kasa a tu ku kasa kamok kushim Adakunom sang kamok itomong aner'e.

aLuka 1:78

kamok kuro̱ riye̱ Adakunom yir, ne akanang kashesh a ta ne naza tin wuruk ni yir

aLuka 1:54

A min se̱ asam wu Isarela, ne a yiring be wu a ta fok kuro̱ riye̱ wu,

aLuka 1:50

Kuro̱ riye̱ wu se natoon áfe a ta fok inyim wu, ma izam izam.

aTitus 3:4

Amma nizen iya a tin tonong yir ritek ne kushim Adakunom Aner Kashesh yir,

aRom 9:30

To̱, iyong ta fe̱ yir ane̱ e̱? Aner aya sang a ta nye áner aYahuda baꞌ, a ti daam be kutse̱r kute gye̱r nasho̱o̱n Adakunom baꞌ, amma a se̱. Kuse̱ kute gye̱r ba nasho̱o̱n Adakunom ba se̱ se kamok kuno̱o̱k katsak ba.

aRom 9:16

To̱, sang i se ye, ike̱ng anerawe ta shim ka kuren kunye wu baꞌ, amma ritek Adakunom tsek.

aRom 4:5

To̱, aner aya ne a ti fereng ni itomong wu baꞌ, amma a ti fereng na Adakunom, aya afe a ta sak amaan aner ta te gye̱r nasho̱o̱n wu, kuno̱o̱k katsak kuri kuyong tà sak a tù ku sok kyo̱ndi aner a ta se gye̱r nasho̱o̱n Adakunom.

aLuka 1:72

A fok kuro̱ riye̱ áda yir, ne a yiring be rife̱ wu rizhe̱l'e riya sang a tana bur baꞌ,

Ibrani 6:6

Gip be anong á tú ku bun kama kaye̱e̱r kuno̱o̱k katsak ba. Á ta ba kyem á be̱ ba nong á ta shishing kuse ba baꞌ, kamok ba tá bun á tigak Igon Adakunom ne á ku te isum kaye̱e̱r ánerawe.

aMatiyu 3:11

“Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

aRom 11:14

Be anong ne mi ti te riye̱ ye kashim áner'i, áner Isarela ta ka shishim yin, nong ákak ba ta se̱ kashesh.

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.