aTitus 3:3 - Izere New Testament

³ Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

aTitus 3:3 Referans Kwoze

aKolosi 1:21

Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

aKolosi 3:7

Yin be rice yin, tsang i nye yin ike̱re̱ na, nusor yin gbugbang.

aRom 6:22

Amma kyo̱o̱rna a ta ma ka tun yin kaye̱e̱r rine̱n i tan te yin ásam Adakunom, ike̱ng iya yin tana se̱ yin nye kusor kuzhe̱l'e kuya ku tana be̱e̱n be kutser kufe izen izen.

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

aYohana 8:34

aYeso fe̱ be ba ye, “Katsak'e, mi ta ka tak yin, koangan ne a nye rine̱n a nye asam rine̱n.

aMatiyu 21:29

“Ne igon'e fe̱ ye, ‘Mi tà tseng baꞌ,’ amma nama a shishing riye̱ wu a tá tseng.

aYakub 1:26

Ke akak sok rice wu ye wu ren Adakunom ne a ra kyem a yiir kanu wu baꞌ, a wo̱k rice wu, i nye ye kuren Adakunom wu sor ikeng ikak baꞌ.

aGalati 6:3

Ke aner akak di ye wu nye ike̱ng ikak, amma sang i ra se anong baꞌ, a wo̱ro̱k rice wu.

aLuka 21:8

Ayong aYeso fe̱ be ba ye, “Sak yin riye̱, fan akak ba ka wo̱ro̱k yin. Kamok ánerawe whe̱re̱ tà be̱s kaye̱e̱r riyerek'i ne á fe̱ ye, ei, ba ne á nye mi, ne á bun á fe̱ ye, ‘Izen m be̱ bubarak.’ Sang tu kuus yin baꞌ.

Ike̱ng a ta tonong aYohana 18:2

A ta kuto̱ naza a tá fe̱ ye, “Kun kpa, ayiik kuwo̱p aBabila n kpa! Kun te karo̱ ítseng tu ku sor ne kasa koakye kuri amaan kabik be karo̱ kusor koakye kuri akpe̱rde̱k nanon naya na ta se kye̱re̱.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

aRom 6:12

Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.

aRom 11:30

Kamok kyo̱ndi yin tá tsang i kuus yin rife̱ Adakunom baꞌ, amma kyo̱o̱rna yin se̱ yin kuro̱ riye̱ Adakunom kamok kushonong áner aYahuda.

2 aTimoti 3:6

Kaye̱e̱r ba ákak kuse á ta tse̱r iren ku no̱o̱s kaye̱e̱r nasa ánerawe nong á ta wo̱ro̱k ányining áya a ta be ritseng baꞌ, áya rine̱n tan sok rice ba ne amaan iriri kushim ike̱re̱.

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

aTitus 2:12

Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.