aTitus 3:2 - Izere New Testament

² Bun i fe̱ be ba ye sang a tu fe̱ amaan rife̱ baꞌ, á ra shim kusor caang ne á se whiwhe̱ be ánerawe ne á mees rice ba nasho̱o̱n koangan.

aTitus 3:2 Referans Kwoze

Afisa 4:31

Kam yin be koakye kuri riye̱ riwe be riye̱ rife ne riye̱ kubeseng be kuren be ritok ne koakye kuri amaan kunye.

Afisa 4:2

Mees yin rice yin ne i se yin tatan. Te yin ata naye̱ ne i naka be yin kaye̱e̱r kutatan kushim.

1 aTimoti 3:3

sang a tu nye aner a ta mak a so̱ kugbe̱re̱ baꞌ, sang aner a ta shim kuren baꞌ, a ra nye aner a ta se whiwhe̱ sang a tu nye aner a ta mak a shim itso̱m baꞌ.

1 aBitrus 3:10

Kamok i se ni izibir ye, “Aner aya a ta shim a ta fok kusas kusor ne a shim a ta sor dide̱ng nazatse na, a ra won nyas be abo̱o̱s.

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.

aYakub 4:11

Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aMatiyu 11:29

Kuus yin ike̱ng iya mi ta fe̱, i bo̱so̱p yin nunaan, kamok mi se whiwhe̱ ne i be kabik kumees rice, yin ta se̱ yin kameneng riye̱.

1 aBitrus 2:1

Kamok anong, kam yin be koakye kuri amaan kuse, be abo̱o̱s ne akardak kuse be rishishim be kpe̱de̱ng rife̱ cei.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

aGalati 6:10

To̱, kamok anong, ke i se̱ yir izen, i tonong yir koangan kuse kutek, abaan áfikuus baꞌ.

aGalati 6:1

Ároneng, ke yin se̱ yin akak afe a ta yiir kunye rine̱n, yin áfe i ta nye yin afe Kabik, ku bun yin be wu niren kaye̱e̱r awhiwhe̱, amma sak yin riye̱ be rice yin, ke anong baꞌ, yin gip ta bun tin no̱ yin kaye̱e̱r rine̱n'e.

1 aTimoti 3:11

Anong ne ányining ádikon'e, á ra nye aner a ta be kuyiik sang áya a ta be imok baꞌ, amma áya a ta yiir rice ba ne á be katsak kaye̱e̱r koakye.

1 aTasalonika 2:7

Amma yir se yir tatan be yin kyo̱ndi anyining inoon tin sak riye̱ ni inoon wu.

aFilipi 4:5

Won koangan tu di kutatan yin. Agwo̱m Ágwo̱m yir n be̱ barak a ta be̱.

1 aKoranti 9:19

Mi nye asam akak baꞌ, gip be anong mi sok rice mi kyo̱ndi asam koangan nong ase̱ ta ko̱ro̱k ánerawe whe̱re̱ nufe aKiristi.

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

Itomong Ámanzo 23:5

Iyong aBulus fe̱ be ba ye, “Ároneng, mi ren ye a nye agbang atsi baꞌ. Kamok i se ni izibir ye, ‘Sang tin fe̱ imaan'e natoon ako̱k kasho̱o̱n baꞌ.’ ”

aZhud 1:10

Amma áner na fe̱ imaan'e natoon ike̱ng iya ba ta ren igak'e baꞌ. Ba ren ike̱re̱ na kamok ba ta kuus ike̱re̱ iya aye̱ ba tá ka no̱o̱k ba tsek, kyo̱ndi ikewum dar kuto̱ro̱ng. Kuse kuri kuyong tú ku fe̱s ba.

aZhud 1:8

Anong ne á tà nye be áfe nabos abo̱o̱s na gip, ma á beseng iro̱m ba be ike̱re̱ iyong, á raba kukuus rigwo̱m ne a kas ámaleka Adakunom.

2 aBitrus 2:10

Amok na ta nar natoon áner aya a tá shim ike̱re̱ kuri ife rinerawe ne á zhe̱e̱sh rigwo̱m. Áner kubo̱so̱p áfe abo̱o̱s na, a be isum, ko cie̱k baꞌ. Á kok rice naza dide̱ng. Á fok inyim akak ba, ma á a kas áfe a ta se nasho̱o̱n Adakunom.

1 aBitrus 4:4

Ike̱ng'e tá no̱o̱k ba azhing, ba ta di sang yin tá ba gung yin rice be ba nong ta nye yin akpe̱rde̱k kunye'ong be ba baꞌ. Iyong á ma ka barak yin ritok makong.

1 aKoranti 6:10

ka ákpatang ka áfe kuye̱re̱k ka áya a ta mak a sok kugbe̱re̱ ka áfe a ta kas naro̱ ka áfe a tà mo̱o̱r ánerawe ta won dar a no̱ kaye̱e̱r rigwo̱m Adakunom baꞌ aꞌa?