aTitus 3:11 - Izere New Testament

¹¹ Wan tà ren ye aner kuri ayong nye aruruk'e ne a nye aner rine̱n. A naka to̱ amok.

aTitus 3:11 Referans Kwoze

Ibrani 10:26

Asidaka akak ba bun a kuse kamok rine̱n yir ke yir ya kasho̱o̱n be kunye rine̱n nama a tá min tonong yir katsak'e baꞌ.

Itomong Ámanzo 15:24

Yir fok yir ye áner akak ne aze nufe yir á tá be̱ ka daam yin ne á ka sak yin nudaam dide̱ng be kuri ike̱re̱ iya ba tá fe̱. Sang yir ne i tá sak yir ba ye á ra nye anong baꞌ.

aYohana 3:18

Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

aLuka 19:22

“Ayong atekasa wu ame fe̱ be wu ye, ‘Wan nye amaan asam! Mi tà ka to̱ amok be ike̱ng wan ta fe̱ be kanu wan. Aser, wan ren ye kuse mi ro̱, ne mi shim kusok ike̱ng naro̱ afe sang mi tá sak baꞌ, ne i nye ishamang naro̱ afe sang mi tá tuus baꞌ a?

aTitus 1:11

Wan ta roon áfe kubo̱so̱p kuri kufe abo̱o̱s'ong dim, kamok á tsang á beseng ánerawe na nasa ba be kubo̱so̱p ike̱ng iya i ta se gye̱r ke ba bo̱so̱p ánerawe'me baꞌ, nong á ta se̱ ike̱ng iya ba ta shim tsek.

2 aTimoti 2:14

Ya kasho̱o̱n be kuka yiring ba ike̱re̱ na. Ku zhe̱e̱r ba nasho̱o̱n Adakunom ye, á ra won kuya nanan natoon naban azhizhe̱k rife̱. Rife̱ kuri riyong ti barang ike̱ng ikak baꞌ, ma ke ri bu beseng áya a ta foos tsek.

aRom 3:19

Yir ren yir ye, koakye ike̱ng iya Itsi ta fe̱, i ti fe̱ natoon áner aya Itsi tin nye itomong natoon ba, fan ákak bu se̱ ike̱ng iya a tana fe̱, ne amok Adakunom se natoon kazatse cice̱r.

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

aLuka 7:30

Áner aFarisi be áfe a tá ren Itsi dide̱ng raba kanye̱k Adakunom natoon ba, kamok sang aYohana tsang a ku nye ba abatisma baꞌ.

Itomong Ámanzo 23:25

Ako̱k kasho̱o̱n ásozha ame a zibir kufumung ye,

aTitus 1:14

nong á tà won kufoos atin afekasho̱o̱n áner aYahuda ne ku kuus itsi ánerawe áya a ta gaar katsak.