aTitus 3:1 - Izere New Testament

¹ Yiir yiring ánerawe wan'e ye á ra fok áko̱k kasho̱o̱n ne áfe ágwo̱m kaben ba kuto, á ra kuus ike̱ng iya ba ta fe̱ ne á sor be kanye̱k kunye koakye i ta se gye̱r.

aTitus 3:1 Referans Kwoze

aMatiyu 22:21

Á tú ku shim'e ye, “Nafe aKaisar.” Ayong aYeso fe̱ be ba ye, “To̱, no̱o̱k yin aKaisar ike̱ng iya i ta nye ife aKaisar ne i no̱o̱k yin Adakunom ike̱ng iya i ta nye ife Adakunom.”

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

2 aTimoti 2:21

Ke aner aya a kam be amaan ike̱re̱'ong mi tin fe̱ natoon'e, a ta sor kyo̱ndi ike̱re̱ iya a tin nye itomong iyiik'e, ne a se zhe̱l nong Atekasa wu tin nye itomong be wu. A ta sor be kanye̱k kamok koakye kuri itomong itek.

2 aTimoti 1:6

Kamok anong ne mi bun i ka yiring'e ye i rin nye itomong dide̱ng be kunang kuya Adakunom tá ka no̱o̱k kum nizen mi tin sak kubo̱k ritek natoon wan.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aTimoti 4:6

Ke wan bo̱so̱p ároneng itak na, to̱, wan ta te aner itomong aYeso Kiristi afe katsak, aya a tan rasak kaye̱e̱r rife̱ natoon kuno̱o̱k katsak be kubo̱so̱p kutek wan ta kuus'ong.

1 aTimoti 2:2

A ra yiir i nye anong kamok ágwo̱m cice̱r ne áya a tà be agbang itsik cice̱r, nong tà sor yir caang be kameneng riye̱ kaye̱e̱r inyim Adakunom ne i sor yir zhe̱l'e kaye̱e̱r koakye kuse.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

2 aBitrus 1:12

Kamok anong mi ta yiir kuka yiring yin ike̱re̱ na, mi ren yin tsang i ren yin gye̱rtatan, yin nyeseng yin be agap natoon katsak yin ta be yin.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

aZhud 1:5

Mi ren yin ren yin ike̱re̱ na cei gye̱rtatan amma mi shim ta ka yiring yin'e ye Agwo̱m Ágwo̱m shesh áner Isarela niben aMasar nizen iya a tá ka tun ba azong amma nama anong, a fe̱s áya sang á tá no̱o̱k katsak baꞌ.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

2 aTimoti 2:14

Ya kasho̱o̱n be kuka yiring ba ike̱re̱ na. Ku zhe̱e̱r ba nasho̱o̱n Adakunom ye, á ra won kuya nanan natoon naban azhizhe̱k rife̱. Rife̱ kuri riyong ti barang ike̱ng ikak baꞌ, ma ke ri bu beseng áya a ta foos tsek.

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.