aTitus 2:8 - Izere New Testament

⁸ ne atuk ica katsak fan ákak bu shik. Be anong ne áya a tá ka rawan ta fok isum kamok á se̱ ike̱ng ikak imaan'e á tanin fe̱ natoon yir baꞌ.

aTitus 2:8 Referans Kwoze

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

1 aBitrus 2:15

Kamok Adakunom shim yin tu nye yin katsak fan aner aya a ta be akpe̱de̱ng kuto̱ natoon yin bu se ike̱ng rife̱.

1 aBitrus 3:16

sang be riye̱ gak baꞌ. Nye yin anong nong ase̱ áfe a ta fe̱ imaan'e natoon yin kamok kuse yin kutek kaye̱e̱r aKiristi ta fok isum rife̱ ba.

1 aTimoti 6:3

Ke aner akak bo̱so̱p ánerawe ike̱ng ikak ze̱e̱r be iya Agwo̱m Ágwo̱m yir aYeso Kiristi tá bo̱so̱p ne kuri kuya ku ta nye kufe áfikuus Adakunom baꞌ,

2 aTasalonika 3:14

Ke aner akak rawu ku kuus ike̱ng yir tá zibir kaye̱e̱r kufumung na, to̱, ni sak yin riye̱ ni wu. Sang tu gung yin rice be wu baꞌ, nong ase̱ a tà fok isum.

1 aTimoti 5:14

Mi nar ku shim ákumung áya a ta ru nye nanamang ra nye iwe̱ne̱ng nong á ta tes inoon ne á ni sak riye̱ ninasa ba fan á bu no̱o̱k ámudo̱n iren naborok.

aLuka 13:17

A tá fa fe̱ anong, ne ámudo̱n wu cei fok isum, ánerawe nye riye̱ rikan be itomong azhing wu tá nye'ong ingya.

aMarkus 12:34

aYeso tá fok a ta fe̱ be kukyem, yong a fe̱ be wu ye, “Wan se tsik be rigwo̱m Adakunom baꞌ.” Nama anong akak ba ra ba kyem á tu ku rip ike̱ng ikak baba baꞌ.

aMarkus 12:32

Ayong aner kubo̱so̱p Itsi ame fe̱ be aYeso ye, “Wan fe̱ gye̱r, Aner kubo̱so̱p, wan ta fe̱ ye Agwo̱m Ágwo̱m se azining, akak kuse ze̱e̱r be wu baꞌ.

aMarkus 12:28

Aner kubo̱so̱p Itsi akak be̱ ne a fok a ta sen ya nanaan. A tá fok aYeso tá shiish gye̱r, yong a tú ku rip ye, “Kaye̱e̱r Itsi cei inyaka ne i nar e̱?”

aMarkus 12:17

Ayong aYeso fe̱ be ba ye, “No̱o̱k yin aKaisar ike̱ng iya i ta nye ife aKaisar, ne i no̱o̱k yin Adakunom ike̱ng iya i ta nye ife Adakunom.” Ayong á ta te ba zhing be rife̱ wu.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.