aTitus 2:2 - Izere New Testament

² Bo̱so̱p ásho̱n iren kuse tatan, á ra be kuyiik, á ra be kuyiir rice ne á se gye̱r kaye̱e̱r kuno̱o̱k katsak ba, be kushim kufe katsak ne kutsesek dide̱ng.

aTitus 2:2 Referans Kwoze

aGalati 5:23

be kuse whiwhe̱ ne ku yiir rice. Itsi ikak kuse i ta roon ike̱re̱ na baꞌ.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

1 aTimoti 3:11

Anong ne ányining ádikon'e, á ra nye aner a ta be kuyiik sang áya a ta be imok baꞌ, amma áya a ta yiir rice ba ne á be katsak kaye̱e̱r koakye.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

aTitus 1:13

Rife̱'ong nye katsak. Kamok anong ku zhe̱e̱r ba be agap, ne kuno̱o̱k katsak ba ta kpa agap,

1 aTimoti 3:2

Ako̱k kasho̱o̱n ra nye aner aya a ta be kuraar nasho̱o̱n ánerawe baꞌ. A ra nye aner aya a ta be abining azining, ne a se tatan, ne a ren a yiir rice wu, ne a nye aner aya ánerawe tu ku sok yiik, a ra nye aner aya a ta shashang átsen ibo̱k ifa, ne a ren a bo̱so̱p ánerawe'me,

1 aTasalonika 5:8

Amma kum yir ta nye yir áfe akanang, won tu sor yir áfe kuyiir rice ne i sok yir kuno̱o̱k katsak ne kushim kyo̱ndi ikpaar yir. Kute riye̱ yir natoon kashesh tu se kyo̱ndi abong atso̱m.

aRom 12:3

Kamok ritek Adakunom tin nye'me na, mi fe̱ be koangan yin ye sang akak tu sok rice naza ye wu nye ike̱ng ikak baꞌ, a ra ban a mees rice wu ingya, a ra mees rice wu te̱re̱ be kuri kuno̱o̱k katsak Adakunom tú ku no̱o̱k.

1 aBitrus 1:13

Kamok anong, nye yin kanye̱k kaye̱e̱r aye̱ yin kamok itomong: yiir yin rice yin, ne i ni te yin riye̱ dide̱ng natoon ritek riya a tana ka no̱o̱k yin katuk kaya a tana tonong aYeso Kiristi.

1 aKoranti 15:34

Kubun yin kaye̱e̱r kuto̱ro̱ng yin kutek, won yin kunye rine̱n. Ákak yin ren Adakunom baꞌ. Mi fe̱ iyu nikum tà fok yin isum.

2 aBitrus 1:6

Ni barang yin kuyiir rice natoon kuren ike̱re̱ Adakunom, ni barang yin ku naka tsesek natoon kuyiir rice yin. Ni barang yin kuse kuri kufe Adakunom natoon ku naka tsesek'e.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

aTitus 1:8

A ra ban a nye aner aya a ta shan átsen ibo̱k ifa dim, ne a shim ku nye ike̱ng iya i ta se gye̱r ne a yiir rice wu ne a be katsak ne a se zhe̱l, ne a mees rice wu.

1 aTimoti 3:4

A ra nye aner a ta kyem a ni sak riye̱ na áfekari wu, ne inoon wu ku no̱o̱k kuyiik wu ne á ku fok kuto.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

1 aTasalonika 5:6

Kamok anong sang tu men yir ida kyo̱ndi ákak baꞌ, amma won yir tu sor yir be ato yir kuye̱ ne i sak yir riye̱.

aFilipi 4:8

To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

2 aKoranti 5:13

Ke yir fa yirim yir, kyo̱ndi ákak ta fe̱, i te yir anong kamok Adakunom. Ke i nye ye yir yirim yir baꞌ, i te yir anong kamok yin.

1 aKoranti 9:25

Koangan a ta be nuyo̱ro̱k bo̱so̱p kuyo̱ro̱k'e dide̱ng nizham, ba nye anong nong a ta se̱ ishorong iya i tana bun i beseng, ishorong yir nye iya i tana sor ma izen izen.

Itomong Ámanzo 24:25

Nizen iya aBulus tá fe̱ rife̱ natoon kuse kutek nasho̱o̱n Adakunom be kuyiir rice ne amok a tana to̱ kazatse'me, aFelis fok inyim. Iyong a fe̱ ye, “I kyem anong, tseng makong. Izen iya mi ta di i ti se gye̱r, mi ta tom a ta ka yis.”

aLuka 8:35

Iyong ánerawe wuruk nong á tá di ike̱ng iya i tá nye, á tá fa be̱ nufe aYeso, ne á di aner ítseng tan wuruk kaye̱e̱r wu ame nusonong natak aYeso. An te ares nong a tá mu ku bun gye̱r kyo̱ndi aner aya rice wu ta se rizining, yong inyim tú ro̱ ba.

aMarkus 5:15

Nizen á tá be̱ nufe aYeso á di aner aya a tá tsang a be amaan nabik whe̱r ame nusonong. An te ares nong a tá mu ku bun gye̱r kyo̱ndi aner aya rice wu ta se rizining, yong inyim tú ro̱ ba.

1 aTimoti 3:8

Anong ne ádikon gip, á ra nye aner aya ánerawe tu ku sok ba yiik, sang áya a ta be nanu nafa baꞌ, ka áya a ta mak á so̱ kugbe̱re̱ baꞌ, ka a tu nye aner a ta mak a shim itso̱m baꞌ.

1 aTimoti 1:2

aTimoti, igon'i kafe katsak ni iren kuno̱o̱k katsak. Ritek be kuro̱ riye̱ ne kameneng riye̱ Adakunom a ta nye Ada yir ne aYeso Kiristi, Agwo̱m Ágwo̱m yir se mak be wan.

1 aTimoti 1:10

be áfe kunye rikuna ne átek á ta mereng be átek afudang ba ka ányining á ta mereng be ányining áfudang ba, ne áfe kure̱e̱s ánerawe be áfe abo̱o̱s ne áya a ta ya kushu natoon abo̱o̱s ne koakye kuri ike̱ng i ta se ze̱r be kubo̱so̱p katsak.

1 aTimoti 1:14

A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.

1 aTimoti 5:1

Sang tu zhe̱e̱r aner asho̱n hash baꞌ, amma fe̱ be wu kyo̱ndi a nye ada wan. Nye be ácam kyo̱ndi áronyining wan.

aFilimon 1:9

Amma kamok mi ta ka shim, mi shim ta ka nye akusuk, mi aBulus, mi tá nye asho̱n ne i bun i se nitso̱m kyo̱o̱rna kamok aYeso Kiristi.