aTitus 2:14 - Izere New Testament

¹⁴ aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

aTitus 2:14 Referans Kwoze

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

1 aBitrus 1:18

Kamok yin ren yin ye a tá ka shesh yin kaye̱e̱r akpe̱de̱ng igo̱o̱n iya átukop yin tá ka won yin'e. A tá ka shesh yin be ike̱re̱ iya i tana beseng kyo̱ndi azurfa be izinariya baꞌ.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

aYohana 10:15

Kyo̱ndi Ada'me tin ren, anong ne mi ren Ada'me. Mi no̱o̱k rice mi kamok itsamang'me.

Ibrani 10:24

Kamok anong, won yir tu naka tobok yir ne i naka tonong yir kushim be kunye kutek.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

1 aTimoti 2:10

Amma á ra nye kunye kutek, kamok i se gye̱r be ányining aya a ta fe̱ ye ba fok inyim Adakunom.

1 aTimoti 2:6

Wu ne a no̱o̱k rice wu nong a tá sheshek ánerawe cice̱r, ike̱ng ife Adakunom ta tak kazatse nizen i tá se gye̱r'ong.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

Itomong Ámanzo 15:14

aSiman min taas yir kuri iren iya Adakunom tá tonong kushim wu ni ime̱se̱ng'e a tá kasa áfu kaye̱e̱r aner aya sang á tá nye aner aYahuda baꞌ.

Itomong Ámanzo 15:9

Sang Adakunom ti tonong ye yir áner aYahuda se yir ze̱e̱r be ba baꞌ, a sak aye̱ ba te zhe̱l kamok ba ti no̱o̱k katsak.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

aMatiyu 1:21

A tà tes igon, wan tù ku te riyerek ye aYeso, kamok wu ne a tà shesh ánerawe kaye̱e̱r rine̱n ba.”

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.