aTitus 2:13 - Izere New Testament

¹³ Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aTitus 2:13 Referans Kwoze

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

1 aKoranti 1:7

Kamok anong yin dun yin kunang kabik ta nyesek baꞌ, yin ta sen tor yin kube̱ Agwo̱m Ágwo̱m yir aYeso Kiristi be ifeng.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

aMarkus 14:62

aYeso fe̱ be wu ye, “Ei, yin tà di yin Igon Anerawe nusonong nukim kubo̱k riya Aner Kukyem. A ta saase kaye̱e̱r ane̱n natoon kaza.”

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aRom 15:13

Won Adakunom aya a ta nyesek ánerawe kute riye̱ ta ka shining yin be riye̱ rikan ne kusor caang kamok yin tin no̱o̱k yin katsak ni wu. Be anong ne yin shining yin dide̱ng be ku ni te riye̱ kamok kukyem Kabik Kazhe̱l'e.

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

1 aBitrus 1:7

Ike̱re̱ iya i ta ka se̱s yin'ong se nong a ta ren kuri kuno̱o̱k katsak kuya yin ta be yin. Izinariya gip i tana beseng, a bo̱mo̱ng be kuro̱ng nong a ta di ka i nye itek e̱. Anong ne a ta bo̱mo̱ng kuno̱o̱k katsak yin gip, kuya ku ta nar izinariya yiik. Be anong ne ku tà ka be̱e̱n yin nakerek be kuyiik katuk kaya a tana tonong aYeso Kiristi.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

2 aTimoti 4:1

Mi fe̱ be wan be agbang kuto̱ nasho̱o̱n Adakunom ne aYeso Kiristi, aya a tana to̱ atser be ikom amok, a tana bun a be̱ nong a ta te tsik rigwo̱m wu ye,

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

Itomong Ámanzo 24:15

Mi n bun min te riye̱ na Adakunom kyo̱ndi áner na ye a ta dorok aya a ta nye azhe̱l'e ne aya a ta nye amaan'e.

aMarkus 8:38

Koangan afe a ta fok isum mi be rife̱ mi, nizen iyu ife sang a ta be katsak baꞌ, be kunye rine̱n dide̱ng, Igon Anerawe ta fok isum wu nizen iya a tana be̱ kaye̱e̱r kuyiik Ada wu ne kufe ámaleka Azhe̱l'e.”

Ike̱ng a ta tonong aYohana 1:7

Di yin, a saase kaye̱e̱r ane̱n, koangan tù ku di, cei be áya a tú ku fe̱r. Ánerawe kazatse cice̱r tà tos kamok wu. Katsak'e! I se anong. Anong!

aTitus 3:4

Amma nizen iya a tin tonong yir ritek ne kushim Adakunom Aner Kashesh yir,

aKolosi 3:4

Nizen iya aKiristi, aya a ta nye kutser yin, tana wuruk de̱s, yin gip, yin ta wuruk yin de̱s mak be wu kaye̱e̱r kuyiik wu.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

1 aYohana 4:14

Yir n di yir be anyisi yir ne i bun i taas yir ánerawe katsak'e ye Adakunom n tom Igon wu nong ka tà sor aner a tana shesh kazatse na.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

aMatiyu 26:64

aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

2 aTasalonika 2:8

Nizen iyong ne a tà di agwo̱m kushonong ame, aya Agwo̱m Ágwo̱m yir aYeso tana ku fe̱r be isong kanu wu, ne a ku beseng be kuyiik wu nizen wu tana be̱.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

aRom 8:18

Mi no̱o̱k katsak ye a ta kyem a maas risam yir ta sen so̱ yir'e kyo̱o̱rna be kuri kuyiik kuya a tanin tonong yir nasho̱o̱n baꞌ.

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

2 aTimoti 1:2

Wan, aTimoti, igon riye̱ mi. Ritek be kuro̱ riye̱ ne kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be wan.

aTitus 1:4

Wan, aTitus, igon'i kafe katsak kaye̱e̱r kuno̱o̱k katsak yir ta be yir cice̱r yir. Ritek be kameneng riye̱ Adakunom a ta nye Ada yir be aYeso Kiristi Aner Kashesh yir se mak be wan.

aZhud 1:21

Sor yin kaye̱e̱r kushim Adakunom ne i tor yin Agwo̱m Ágwo̱m yir aYeso Kiristi aya kamok kuro̱ riye̱ a ta tseng be yir kaye̱e̱r kutser kufe izen izen.