aTitus 2:12 - Izere New Testament

¹² Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.

aTitus 2:12 Referans Kwoze

aMatiyu 16:24

Ayong aYeso fe̱ be álimazhiri wu ye, “Ke akak shim a tin kuus ma a rawu rice wu ne a sok kukon ku kutigak wu ne ni kuus.

aRom 6:19

Mi fe̱ rife̱ na kuri rife rinerawe kamok kuraar yin kufe ánerawe. Kyo̱ndi yin tá tsang i sok yin abas akak afe kuro̱m yin nong i tin nye yin ike̱re̱ i ta se kye̱re̱ ne amaan kunye, kyo̱o̱rna no̱o̱k yin rice yin kyo̱ndi ásam natoon kunye ike̱re̱ i tana tonong ye yin se yin gye̱r nong ta te yin azhe̱l'e.

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.

1 aYohana 2:6

Aner aya a ta fe̱ ye wu sor kaye̱e̱r Adakunom ta sor kyo̱ndi aYeso tá sor dim.

2 aTimoti 3:12

Katsak'e koangan afe a ta shim a ta sor kusor kuri kufe Adakunom kaye̱e̱r aYeso Kiristi ta so̱ risam.

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

aLuka 1:75

kaye̱e̱r kuse kuzhe̱l'e ne kunye kutek nasho̱o̱n wu nusor yir cei.

1 aTasalonika 4:7

Kamok sang Adakunom ti yis yir nong tá won dar i sor yir zhe̱l baꞌ, amma nong ta sor yir zhe̱l.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

1 aTasalonika 4:9

Kyo̱o̱rna, natoon kushim áronyining yin áfikuus, yir be yir ike̱ng ikak i tana ka zibir yin'e natoon iyong baꞌ, kamok yin be rice yin, Adakunom ne a tá ka bo̱so̱p yin'e ye yin ra naka shim yin.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aRom 6:12

Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

1 aYohana 2:27

Amma yin, yin n se̱ yin Kabik Kazhe̱l'e nufe aYeso kaya ka ta sor be yin koakye izen. Kamok anong yin ba tse̱r yin aner akak a tana ka bo̱so̱p yin'e baꞌ. Kabik wu tà ka bo̱so̱p yin ike̱re̱'me ife katsak cei. Kukasa wu tin kasa yir nye katsak, ku nye kufe abo̱o̱s baꞌ. Kyo̱ndi a tá ka bo̱so̱p yin'e ye i ra sor yin kaye̱e̱r aYeso.

2 aBitrus 3:11

Kum a tana beseng koakye ike̱ng anong, to̱, akye̱ kuri kusor ne yin sor yin e̱? I se gye̱r ke yin sor yin zhe̱l ne i kuus yin Adakunom.

Ibrani 8:11

Akak tà ba bo̱so̱p afegbak wu'me baꞌ. Akak tà ba bo̱so̱p aronyining wu'me ne a fe̱ ye, ‘Ren Adakunom’ baꞌ, kamok koangan tin ren, inoon'e ba asho̱n'e cei.

1 aTimoti 6:17

Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e.

1 aTimoti 4:12

Sang tu won akak ta ka zhe̱e̱sh ye kamok wan ta ru nye acam baꞌ, amma sak riye̱ be rife̱ wan be kuri kutseng wan ne kuri kushim wan be kuno̱o̱k katsak wan ne kuse zhe̱l wan nong ase̱ wan ta sor ike̱ng kumaas nufe áfikuus.

aKolosi 1:22

Amma kyo̱o̱rna Adakunom mu ku bun be yin kamok riku aKiristi nuro̱m nong yin ta se yin zhe̱l nasho̱o̱n Adakunom dar rizik, dar kufe̱ imaan'e natoon yin,

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

aRom 8:13

Kamok ke yin sor yin kaye̱e̱r kuse rinerawe, yin tà kus yin. Amma ke yin sor yin kaye̱e̱r Kabik, ne yin won yin kunye rine̱n, yin ta se̱ yin kutser.

Itomong Ámanzo 24:25

Nizen iya aBulus tá fe̱ rife̱ natoon kuse kutek nasho̱o̱n Adakunom be kuyiir rice ne amok a tana to̱ kazatse'me, aFelis fok inyim. Iyong a fe̱ ye, “I kyem anong, tseng makong. Izen iya mi ta di i ti se gye̱r, mi ta tom a ta ka yis.”

Itomong Ámanzo 24:16

Iyong ne i sak, koakye izen mi shim ta sor be agak riye̱ nasho̱o̱n Adakunom ka ánerawe baꞌ.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 6:25

Nizen iya á tú ku se̱ nunyi kudung'e, á tú ku rip ye, “Aner Kubo̱so̱p, akye̱ izen ne wan be̱ aze e̱?”

aLuka 1:6

Cice̱r ba, á nye áner aya kutseng ba tá se gye̱r nasho̱o̱n Adakunom, á kuus Itsi be ike̱re̱ Adakunom tá fe̱ ye a ra kuus cei gye̱r gye̱r.

aZhud 1:18

Á tá ka tak yin ye, “Kaye̱e̱r inom igang'e, áner ákak tu ku se áya a tana ka kok yin'e ne á kuus ike̱re̱ riye̱ ba sang ife Adakunom baꞌ.”

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

aMatiyu 12:32

Koangan ne a fe̱ amaan rife̱ natoon Igon Anerawe a tù ku re̱ng'e, amma aner aya ne a fe̱ imaan'e natoon Kabik Kazhe̱l'e, a tù ku re̱ng rine̱n riyong nigaan'e baꞌ, ko kyo̱o̱rna ko nasho̱o̱n.

1 aTimoti 6:9

Amma áner aya a ta shim á ta te arum ti gor ni kon i nye rine̱n ne á ku yiir kaye̱e̱r amaan ike̱re̱ iduk ife kuro̱m, ife i tana kuman ba ma i ta tseng be ba naro̱ á tana ku beseng ne á wei.

aYakub 1:27

Kuren katsak Adakunom kuya Ada yir Adakunom ta sok ye kunye kujel'e nye, ku nisak riye̱ ni nakpiin be akumung kaye̱e̱r risam ba, ne i yiir rice wan fan kazatse ba ka sak ta wondar I se jel.