aTitus 2:11 - Izere New Testament

¹¹ Kamok Adakunom tonong ritek wu nong ánerawe cice̱r ta se̱ kashesh.

aTitus 2:11 Referans Kwoze

1 aTimoti 2:4

Wu shim ánerawe cice̱r ta se̱ kashesh ne á ren iren katsak.

Afisa 2:8

Ei, kamok ritek Adakunom ne yin ti se̱ yin kashesh ne kamok kuno̱o̱k katsak yin, sang kamok kunye yin baꞌ, amma Adakunom ne a no̱o̱k,

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aRom 5:15

Amma kunang Adakunom tá no̱o̱k warak se kyo̱ndi rine̱n Adamu tá nye baꞌ. Ánerawe whe̱re̱ tá kus kamok rine̱n aner azining'ong, a tá nye Adamu. Amma ritek Adakunom nar ma ánerawe whe̱re̱ se̱ kunang wu a tá nye kamok ritek aner azining na, a ta nye aYeso Kiristi.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

Itomong Ámanzo 11:23

Nizen iya a tá se no̱, a di ritek Adakunom ta se mak be ba ne riye̱ wu kare̱p. Ayong a fe̱ be ba ye á ra yiir iren Agwo̱m Ágwo̱m be katsak be riye̱ rizining.

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

aLuka 3:6

Ánerawe cei tà di kashesh Adakunom.’ ”

1 aTimoti 1:14

A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.

aRom 5:2

Natoon wu ne yir ti se̱ yir iren kuno̱ kaye̱e̱r ritek na yir tin sor yir kaye̱e̱r'e kamok kuno̱o̱k katsak yir. Aye̱ yir kare̱p i ta min te yir riye̱ natoon kuyiik Adakunom.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aGalati 2:21

Mi ramin ritek Adakunom baꞌ, kamok ke a nye ye ánerawe ta te zhe̱l kamok ku kuus Itsi, i nye ye riku aKiristi be itomong baꞌ.”

2 aKoranti 6:1

Yir áfe i ta nye yir áfudang yin kaye̱e̱r itomong Adakunom yir ta nye yin izong ye, sang tu nye yin kpe̱de̱ng be ritek Adakunom baꞌ.

Itomong Ámanzo 13:47

Kamok Agwo̱m Ágwo̱m fe̱ be yir be agbang kuto̱ ye, “ ‘Mi ma ka sak ta sor aya a tana tonong áner aya a ta nye áner aYahuda baꞌ akanang. Wan ta tseng be kashesh ma nigang kazatse.’ ”

Itomong Ámanzo 13:43

Ánerawe ta fa naka kaas, yong áner aYahuda be áya a ta nye áner aYahuda baꞌ, áya a tá won kukuus igo̱o̱n ba á te áner aYahuda kuus aBulus be aBarnabas. Iyong aBulus be aBarnabas'e fe̱ be ba ye a ru ya kasho̱o̱n kaye̱e̱r ritek Adakunom.

aYohana 1:9

Akanang afe katsak aya a ta nyeseng ánerawe akanang cice̱r kaye̱e̱r kazatse saase.

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aMarkus 16:15

A fe̱ be ba ye, “Tseng yin koake̱ kaye̱e̱r kazatse, se taas yin ánerawe cice̱r Rife̱ Ritek'e.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

Ibrani 12:15

Sak yin riye̱ fan akak bu ni wei ni ritek Adakunom. Sang tu won yin akak tin wuruk kaye̱e̱r yin be amaan kuse nong a ta sak ákak ta wei baꞌ.

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

aRom 10:18

Mi rip ana'ong, katsak'e ba fok aꞌa? A fok ko̱! Kyo̱ndi rife̱ Adakunom ta fe̱ ye, “Kuto̱ ba n tseng koake̱ kaye̱e̱r kazatse, rife̱ ba n tseng nigang kazatse.”

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

2 aTimoti 1:10

Amma kyo̱o̱rna a ti tonong yir'e be kube̱ Aner Kashesh yir, aYeso Kiristi. Wu ne a canang riku ne a ni tonong yir kutser kufe izen izen kanang be Rife̱ Ritek.