aTitus 1:8 - Izere New Testament

⁸ A ra ban a nye aner aya a ta shan átsen ibo̱k ifa dim, ne a shim ku nye ike̱ng iya i ta se gye̱r ne a yiir rice wu ne a be katsak ne a se zhe̱l, ne a mees rice wu.

aTitus 1:8 Referans Kwoze

1 aTimoti 3:2

Ako̱k kasho̱o̱n ra nye aner aya a ta be kuraar nasho̱o̱n ánerawe baꞌ. A ra nye aner aya a ta be abining azining, ne a se tatan, ne a ren a yiir rice wu, ne a nye aner aya ánerawe tu ku sok yiik, a ra nye aner aya a ta shashang átsen ibo̱k ifa, ne a ren a bo̱so̱p ánerawe'me,

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

1 aYohana 3:14

Yin ren yin, yir tsang i nye yir ikom'e cice̱r nabik, amma kyo̱o̱rna yir be yir kutser kamok yir shim yir áronyining yir. Aner aya afe a ta shim aronyining wu baꞌ, a nye kukom'e nabik.

1 aTimoti 6:11

Amma wan, aner Adakunom, kuteng ike̱re̱ na cei ni te rice wan ni itse̱r ike̱ng iya i ta se gye̱r nasho̱o̱n Adakunom, ike̱ng iya Adakunom ta shim, be kuno̱o̱k katsak ne kushim be ku naka tsesek ne kuse tatan.

1 aTimoti 4:12

Sang tu won akak ta ka zhe̱e̱sh ye kamok wan ta ru nye acam baꞌ, amma sak riye̱ be rife̱ wan be kuri kutseng wan ne kuri kushim wan be kuno̱o̱k katsak wan ne kuse zhe̱l wan nong ase̱ wan ta sor ike̱ng kumaas nufe áfikuus.

1 aTasalonika 2:10

Yin ta kyem i fe̱ yin be rice yin, Adakunom gip a ren kuri kusor kuya yir tá sor yir nasho̱o̱n yin áfikuus, yir sor yir zhe̱l be katsak a kun ni se̱ yir be kudaam baꞌ.

2 aTimoti 3:3

ne a te dar ku naka shim, ne á naka be kaye̱e̱r aye̱, ne á te áfe kubeseng ayerek ánerawe, ne á te dar kuyiir rice ne á fe̱ hash ne á te awan rishishim ne á raba koakye ike̱ng itek,

2 aTimoti 2:22

Kam be kushim amaan ike̱re̱ kuri ife ricam ne i ni te rice ni itse̱r kusor kuzhe̱l'e, ne kuno̱o̱k katsak be kushim ne kusor caang, mak be áfikuus áfudang wan á ta yis kaye̱e̱r riyerek Adakunom be riye̱ zhe̱l.

aLuka 2:25

To̱, aner akak tuse na aUshalima a tú ku yis ye aSiman, afe a tá se gye̱r nasho̱o̱n Adakunom, ne a nye Adakunom itomong. A se be kutor afe a tana be̱ a tsesek Isarela. Kabik Kazhe̱l'e se mak be wu.

Itomong Ámanzo 24:25

Nizen iya aBulus tá fe̱ rife̱ natoon kuse kutek nasho̱o̱n Adakunom be kuyiir rice ne amok a tana to̱ kazatse'me, aFelis fok inyim. Iyong a fe̱ ye, “I kyem anong, tseng makong. Izen iya mi ta di i ti se gye̱r, mi ta tom a ta ka yis.”