aTitus 1:7 - Izere New Testament

⁷ Kum ako̱k kasho̱o̱n ta nye aner itomong Adakunom, a ra nye aner aya sang a tana ku se̱ be ike̱ng ikak imaan'e baꞌ. Sang a tu nye aner aya a ta kok rice naza baꞌ, ka afe riye̱ rife ka aner a ta so̱ kugbe̱re̱ ma a ta feng'e, ka aner a ta shim kuren ka aner aya a ta ma ka shim itso̱m baꞌ.

aTitus 1:7 Referans Kwoze

2 aBitrus 2:10

Amok na ta nar natoon áner aya a tá shim ike̱re̱ kuri ife rinerawe ne á zhe̱e̱sh rigwo̱m. Áner kubo̱so̱p áfe abo̱o̱s na, a be isum, ko cie̱k baꞌ. Á kok rice naza dide̱ng. Á fok inyim akak ba, ma á a kas áfe a ta se nasho̱o̱n Adakunom.

Afisa 5:18

Sang tu so̱ yin kugbe̱re̱ ma ta feng yin'e baꞌ, kamok iren kuwei ne i nye iyong, amma shining yin be Kabik Kazhe̱l'e n ingya.

1 aBitrus 5:2

yin rin sak yin riye̱ natoon ánerawe Adakunom áya a ta ma ka won yin'e amana'me nubo̱k. Ni sak yin riye̱ niba be riye̱ rizining kyo̱ndi Adakunom ta shim sang kaye̱e̱r riye̱ kubeseng baꞌ. Sang tu nye yin itomong kamok itso̱m tsek baꞌ, amma kamok ifeng yin ta be yin.

1 aBitrus 4:10

Adakunom no̱o̱k koangan kunang nong a tin nye itomong. Kamok anong koangan ra nye itomong be katsak be kunang kufu nong tin tobok yir ákak yir kaye̱e̱r ritek Adakunom.

aLuka 12:42

aYeso fe̱ be wu ye, “Angan ne a nye asam afe a ta be katsak ne a be kukyem e̱? Aya atekasa wu tú ku won ribir ásam nubo̱k, ne a ku nyesek ba naya nizen gye̱r.

aTitus 2:3

Anong ne anyako, kubo̱so̱p ba'me ye á ra nye kusor kuri kuya ku ta tas kufe ányining áya a ta nye afikuus, sang a tu be imok ka áya a ta mak á so̱ ike̱re̱ ma a ta feng'e baꞌ, amma á ra bo̱so̱p ánerawe ike̱ng iya i ta nye katsak.

aTitus 1:5

Mi tá won na aKirit nong ase̱ wan ta gang itomong iya i ta rusek dar kugang ne i te áko̱k kasho̱o̱n ikilisiya kaye̱e̱r koakye kuwo̱p kyo̱ndi mi tá ka tak.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

aMatiyu 24:45

“Angan ne a nye asam a ta be katsak ne a be kukyem, aya atekasa wu tu ku sak ye, a rin sak riye̱ na ásam wu ne a ku nyesek ba naya nizen i ta se gye̱r e̱?