aTitus 1:4 - Izere New Testament

⁴ Wan, aTitus, igon'i kafe katsak kaye̱e̱r kuno̱o̱k katsak yir ta be yir cice̱r yir. Ritek be kameneng riye̱ Adakunom a ta nye Ada yir be aYeso Kiristi Aner Kashesh yir se mak be wan.

aTitus 1:4 Referans Kwoze

2 aTimoti 1:2

Wan, aTimoti, igon riye̱ mi. Ritek be kuro̱ riye̱ ne kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be wan.

aZhud 1:3

Ároneng, yin áya mi ta shim, mi tsang i shim ku ka zibir yin kufumung na natoon kashesh yir ta be yir na cice̱r gye̱rtatan, amma mi di i se gye̱r ta ka zibir yin'e nong ta ka nye yin akusuk ye i ra naka tsesek yin natoon kuno̱o̱k katsak yir kuya Adakunom tá won ázhe̱l'e amana'me nubo̱k.

2 aBitrus 1:11

Be anong ne a tà ka shan yin ibo̱k ifa kaye̱e̱r rigwo̱m Agwo̱m Ágwo̱m rife̱ izen izen rife̱ Aner Kashesh yir.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

2 aKoranti 2:13

Gip be anong, mi be kameneng riye̱ baꞌ, kamok mi se̱ aroneng aTitus azong baꞌ. Kamok anong mi nye atato̱, i ta be na aMakidoniya.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

2 aKoranti 8:23

Yin ren yin aTitus nye aferime̱ itomong'i nufe yin, ribir ároneng'e nye áner aya áfikuus tu ku kasa ba, itomong ba be̱e̱n aKiristi kuyiik.

aRom 1:12

Ike̱ng mi tin fe̱ natoon'e se ye nong mi be yin ta naka tsesek yir kaye̱e̱r kuno̱o̱k katsak yir.

aYohana 4:42

Iyong ba fe̱ be abining ame ye, “Yir ti no̱o̱k yir katsak, kyo̱o̱rna sang kamok ike̱ng wan tá fe̱ tsek baꞌ, amma yir tu ku fok yir be rice yir, ye aner na nye aner kashesh kazatse be katsak.”

1 aYohana 5:14

Yir tseng yir nasho̱o̱n Adakunom be riye̱ rizining, kamok ke yir tu rip yir koakye i ta nye kushim wu, a tin fok yir.

2 aBitrus 3:2

Mi shim yin tu yiring yin be ike̱ng áner kuzarap azhe̱l'e tá fe̱ gbugbang ne ike̱ng iya Agwo̱m Ágwo̱m Aner Kashesh yir tá fe̱ be agbang kuto̱ ni nanu ámanzo yin.

2 aBitrus 2:20

Ke áner kubo̱so̱p abo̱o̱s'ong wher nubo̱k amaan ike̱re̱ kazatse kamok ba tá ren Agwo̱m Ágwo̱m yir Aner Kashesh, aYeso Kiristi, amma ke á ra bun á won amaan ike̱re̱ kazatse'me tú ku karam ba ma i nar agap ba, á tu ku bun á ta te amaan'e ne á nar izen iya ba tá tsang á ren aYeso baꞌ.

aTitus 1:3

Nizen iya wu ta di i ta se gye̱r, a tana tonong kaye̱e̱r rife̱ wu riya mi ta sen nye awazi'me riya a ti no̱o̱k amana'me kaye̱er rife̱ wu be agbang kuto̱ Adakunom Aner kashesh yir.

aKolosi 1:2

yin ároneng ázhe̱l'e, aya a ta be katsak áya a ta se na aKolosi. Ritek be kameneng riye̱ Adakunom a ta nye Ada yir se mak be yin.

Afisa 1:2

Ritek be kameneng riye̱ Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

aGalati 2:3

aTitus gip a ta se mak be mi á nye aner aHeleni'me gye̱rtatan, a ra ku sak a tá nye izhak baꞌ.

2 aKoranti 12:18

Mi nye aTitus izong ne aroneng akak afikuus'e ye á ra be̱ nufe yin. Yin ta fe̱ yin ye aTitus'e ta mo̱o̱r yin a? Aser, mi be wu sang kuto̱ro̱ng kuzining ne yir be aꞌa? Iren izining ne yir kuus yir aꞌa?

2 aKoranti 8:16

Mi be riye̱ rikan be Adakunom, aya a ta sak aTitus ta sok kaye̱e̱r riye̱ wu be ifeng anong a ta ka tobok yin kyo̱ndi mi.

2 aKoranti 8:6

Kamok anong ne yir nye yir aTitus izong ye a ra ya kasho̱o̱n be itomong itek ife ku tusung kuno̱o̱k yin'e, kum wu ne a tá tsang a san ne.

2 aKoranti 7:6

Amma Adakunom afe a ta tsesek áya afe a ta min tun riye̱ ti tsesek yir be kube̱ aTitus.

2 aKoranti 4:13

I se kaye̱e̱r Kufumung rife̱ Adakunom ye, “Mi ti no̱o̱k katsak kamok anong ne mi fe̱ rife̱.” Be kabik kayong'e dim ne yir tin no̱o̱k yir katsak, kamok anong ne yir bun i fe̱ yir.

aRom 1:7

Mi ta zibir yin'e cice̱r yin aya ita se yin na aRom, yin áya Adakunom ta shim, a tá ka yis yin nong tà te yin ázhe̱l'e. Ritek be kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

aLuka 2:11

Katuur a ma ka tes yin aner kashesh nuwo̱p aDauda, wu ne a nye aKiristi, aya a ta nye Agwo̱m Ágwo̱m.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

1 aTimoti 1:12

Mi be riye̱ rikan be aYeso Kiristi Agwo̱m Ágwo̱m yir, aya a tin no̱o̱k agap. A di ye mi be katsak iyong a ti sak nong ta nye itomong wu.

2 aTimoti 1:1

Mi aBulus, amanzo aYeso Kiristi, nushim aya Adakunom. Adakunom ti tom nong ta tak itak kutser kuya wu tá tsang a no̱o̱k kuto̱ kaye̱e̱r aYeso Kiristi.

2 aTimoti 4:10

kamok aDemas min won kamok kushim kazatse na, nong a tá be na aTasalonika, aKirishen be na aGalati, aTitus be aDalmatiya.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.