aTitus 1:2 - Izere New Testament

² kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

aTitus 1:2 Referans Kwoze

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

aZhud 1:21

Sor yin kaye̱e̱r kushim Adakunom ne i tor yin Agwo̱m Ágwo̱m yir aYeso Kiristi aya kamok kuro̱ riye̱ a ta tseng be yir kaye̱e̱r kutser kufe izen izen.

2 aTimoti 1:1

Mi aBulus, amanzo aYeso Kiristi, nushim aya Adakunom. Adakunom ti tom nong ta tak itak kutser kuya wu tá tsang a no̱o̱k kuto̱ kaye̱e̱r aYeso Kiristi.

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

2 aTimoti 2:15

Nye koakye kuri ike̱ng iya wan tana kyem i nye nong ta tonong ye wan nye aner aya Adakunom tá kasa. Sang tu sor aner itomong aya a ta fok isum baꞌ, ne i bo̱so̱p rife̱ katsak gye̱r.

2 aTimoti 2:13

Ke yir be yir katsak baꞌ, wu tà sor afe katsak kamok wu tà kyem a ton rice wu baꞌ.”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

1 aTasalonika 5:8

Amma kum yir ta nye yir áfe akanang, won tu sor yir áfe kuyiir rice ne i sok yir kuno̱o̱k katsak ne kushim kyo̱ndi ikpaar yir. Kute riye̱ yir natoon kashesh tu se kyo̱ndi abong atso̱m.

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

1 aTimoti 6:19

Ke ba nye anong ne a ta tusung ike̱re̱ itek kamok rice ba kaye̱e̱r kaza ne i sor agbang kanye̱k kamok izen i ta saase nong ase̱ yin ta se̱ yin kutser ku ta nye kufe katsak.

aRom 5:21

nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

Itomong Ámanzo 15:18

wu afe a tu ku ren kum gbugbang.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aYohana 10:28

Mi tu no̱o̱k ba kutser kufe izen izen, ba tà kus baꞌ sam. Aner akak tà kyem a tin shan nubo̱k'i baꞌ.

aYohana 6:68

aSiman Bitrus fe̱ ye, “Atekasa, yir ta tseng yir nufe angan e̱? Wan ne i ta be Rife̱ Kutser.

aYohana 6:54

Koangan afe a ta ya rinam kuro̱m'i ne a so̱ naso̱k'i, a be kutser kufe izen izen, mi tù ku dorok be kutser katuk igang'e.

aYohana 5:39

Yin yiir bo̱so̱p yin Afumung rife̱ Adakunom, kamok yin di yin ye yin tà se̱ yin kutser kufe izen izen kaye̱e̱r ba. Ba fe̱ rife̱ natoon'i.

1 aTimoti 6:12

Ko̱n kuren kutek kaye̱e̱r kuno̱o̱k katsak. Yiir kutser kufe izen izen kuya a ta ka yis mo nizen iya wan ta fe̱ nasho̱o̱n ánerawe whe̱r ye wan shan aKiristi.

1 aTasalonika 2:15

Ba ne á fe̱r Agwo̱m Ágwo̱m yir aYeso be áner kuzarap Adakunom agbugbang'e, ba ne á ti ro yir. Á beseng Adakunom riye̱ ne á te ámaan'e be ánerawe cei.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aRom 5:4

Kutsesek be̱e̱n be kuse kutek ne kuse kutek be̱e̱n be kute riye̱.

aRom 5:2

Natoon wu ne yir ti se̱ yir iren kuno̱ kaye̱e̱r ritek na yir tin sor yir kaye̱e̱r'e kamok kuno̱o̱k katsak yir. Aye̱ yir kare̱p i ta min te yir riye̱ natoon kuyiik Adakunom.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aRom 1:2

Rife̱ Ritek'e nye rife̱ Adakunom tá tsang a no̱o̱k kuto̱ be áner kuzarap kyo̱ndi á tá zibir kaye̱e̱r Afumung Azhe̱l'e.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

aMarkus 10:30

ike̱ng iya a tana se̱ nizen iyu, i ta nar anong kutak kuso̱k inyak whe̱r, be nasa, ne áronyining, ángasnyining, ángo̱, inoon, ako̱, amma mak be kutabak. Nama anong nasho̱o̱n kutser kufe izen izen.

aMarkus 10:17

aYeso tá se be kutseng kutsang wu, yong aner akak tsang a teng nong a tá be̱ a tigbok akuur nasho̱o̱n wu nong a tá fe̱ be aYeso'me ye, “Aner Kubo̱so̱p atek, akye̱ ne mi ta nye nong ta se̱ kutser kufe izen izen e̱?”