aTitus 1:16 - Izere New Testament

¹⁶ Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

aTitus 1:16 Referans Kwoze

1 aYohana 2:4

Ke akak fe̱ ye wu ren Adakunom a ra nye ike̱re̱ iya Adakunom'me tá fe̱ ye a ra nye baꞌ, i nye ye a be abo̱o̱s, katsak kuse riye̱ wu baꞌ.

Afisa 5:6

Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

1 aTimoti 5:8

Aner aya ne a ti sak riye̱ na afe iri wu baꞌ, abanang áfekari wu baꞌ, aner kuri ayong ton kuno̱o̱k katsak wu. A nye amaan'e ne a nar aner aya afe sang a tá min no̱o̱k katsak na aYeso baꞌ.

1 aTimoti 1:9

Yir bun i ren yir gip ye, sang a nye Itsi kamok áner á ta tseng gye̱r baꞌ, amma kamok áner aya a ta shonong ne á gaar kukuus Itsi'me. Itsi se kamok áya a ta raba iren Adakunom ne áfe rine̱n be áya a ta se zhe̱l baꞌ, ne áfurin ne áfe ku fe̱s ánerawe ne áya a tá fe̱s ada be ango̱ ba,

2 aTimoti 3:17

nong ase̱ koangan afe a ta nye afe Adakunom ta shining ne a se be kanye̱k kamok koakye kuri itomong itek.

aTitus 3:1

Yiir yiring ánerawe wan'e ye á ra fok áko̱k kasho̱o̱n ne áfe ágwo̱m kaben ba kuto, á ra kuus ike̱ng iya ba ta fe̱ ne á sor be kanye̱k kunye koakye i ta se gye̱r.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.