aTitus 1:12 - Izere New Testament

¹² Ei, aner aKirit, akak kaye̱e̱r áner kuzarap ba ne a ku fe̱ ye, “Áner aKirit'e be abo̱o̱s, á se kyo̱ndi ámaan ikewum, á yo̱mo̱ng ne á mak á yas dide̱ng.”

aTitus 1:12 Referans Kwoze

1 aTimoti 4:2

Kubo̱so̱p na ta ne nufe ákardak áner afe abo̱o̱s áya aye̱ ba tan kus cei.

aRom 16:18

Kamok sang áner kuri ayong nye Agwo̱m Ágwo̱m yir aKiristi itomong baꞌ. Á nye nafa ba'me tsek. Á ren kanu ne á fe̱ re̱m re̱m ne á ti wo̱ro̱k ánerawe aya sang a ta ren ike̱ng ikak natoon'e baꞌ.

Itomong Ámanzo 17:28

‘Kamok kaye̱e̱r wu ne yir ti sor yir ne i kyem i tseng yir ne i sor yir be kutser.’ Kyo̱ndi áfe abom yin ákak tá fe̱, ‘Yir nye yir inoon wu.’

2 aBitrus 2:15

Á won iren itek nong á ta ban á kuus akpe̱de̱ng iren aBalam igon aBeyo, afe a tá shim a ta se̱ ishorong natoon amaan kunye wu.

2 aBitrus 2:12

Amma áner na fe̱ rimaan'e natoon ike̱ng iya sang ba ta se̱ rikpa'me baꞌ. Á se kyo̱ndi amaan ikewum iya i ta kuus ike̱ng iya riye̱ ba tu ku no̱o̱k ba tsek. A tú tes ba kyo̱ndi amaan ikewum nong a ta yising ne a fe̱s tse̱k, á tà kus kyo̱ndi ikewum'e.

Itomong Ámanzo 2:11

Di, áya a tá nye áner aYahuda be áya a tan won igo̱o̱n ba á tan kuus ife áner aYahuda ne áner aKirit be áfe Arabiya cice̱r. Koangan kaye̱e̱r yir ta fok ba á ta fe̱ natoon ike̱re̱ azhing iya Adakunom tan nye ni írem yir.”

Itomong Ámanzo 27:7

I te yir inom gaan kaye̱e̱r kutseng'e kamok kutseng'e se whiwhe̱. I so̱ yir risam nizham i ta ra se no̱ yir bubarak be aKinidus. Yir ba kyem i ya yir kasho̱o̱n be kutseng'e nabas ayong baꞌ kamok kuwun tá nar agap. I se gorok yir kaben aKirit bubarak be aSalmoni.

Itomong Ámanzo 27:12

Karo̱ kunyeseng akpara ashi kaya ka tase na aFinikiya se gye̱r akpara ashi tanin nyeseng rikos baꞌ. Iyong kukap ánerawe fe̱ ye, i ya yir kasho̱o̱n kashim ta se no̱ yir na aFinikiya ta ya yir rikos azong. Karo̱'ong nye karo̱ kunyeseng akpara ashi na aKirit, ka tase ne ka ye̱re̱k katoon be kaye̱r.

Itomong Ámanzo 27:13

Nizen iya kuwun kutek ta ne nabas kaye̱r ta san ku fe̱se̱m whiwhe̱, áfe kuko̱k kukpara ashi'me di ye ba ma se̱ karo̱'me yong. Iyong á tun kutso̱m kukak ku tana yiir kukpara ashi'me naro̱ kazining, a ta tsang a kuus kukyim ashi aKirit.

aFilipi 3:19

Igang ba nye á tà wei, adakunom ba nye nafa ba. Á ni tsor kafok ni itomong isum ba. Aye̱ ba se natoon ike̱re̱ kazatse tsek.

aTitus 1:5

Mi tá won na aKirit nong ase̱ wan ta gang itomong iya i ta rusek dar kugang ne i te áko̱k kasho̱o̱n ikilisiya kaye̱e̱r koakye kuwo̱p kyo̱ndi mi tá ka tak.