aTitus 1:11 - Izere New Testament

¹¹ Wan ta roon áfe kubo̱so̱p kuri kufe abo̱o̱s'ong dim, kamok á tsang á beseng ánerawe na nasa ba be kubo̱so̱p ike̱ng iya i ta se gye̱r ke ba bo̱so̱p ánerawe'me baꞌ, nong á ta se̱ ike̱ng iya ba ta shim tsek.

aTitus 1:11 Referans Kwoze

2 aTimoti 3:6

Kaye̱e̱r ba ákak kuse á ta tse̱r iren ku no̱o̱s kaye̱e̱r nasa ánerawe nong á ta wo̱ro̱k ányining áya a ta be ritseng baꞌ, áya rine̱n tan sok rice ba ne amaan iriri kushim ike̱re̱.

1 aTimoti 6:5

ne á ya nanan be áya a ta be akpe̱de̱ng kuto̱ro̱ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se̱ itso̱m.

aRom 3:19

Yir ren yir ye, koakye ike̱ng iya Itsi ta fe̱, i ti fe̱ natoon áner aya Itsi tin nye itomong natoon ba, fan ákak bu se̱ ike̱ng iya a tana fe̱, ne amok Adakunom se natoon kazatse cice̱r.

aTitus 3:10

Aner aya a ta shim ku naka kaas, ke wan tu ko̱ro̱k kuto kutak kuzining, kutak kufe afa, ke a fok baꞌ, ne wan kam be wu.

aTitus 1:9

Ako̱k kasho̱o̱n ikilisiya ra nye aner aya a tana yiir rife̱ Adakunom riya a tu ku tak be agap kyo̱ndi a tu ku bo̱so̱p'e nong a tin tsesek ákak be awazi ne kubo̱so̱p kufe katsak, ne a gaar áya a ta raba kubo̱so̱p'e.

aTitus 1:7

Kum ako̱k kasho̱o̱n ta nye aner itomong Adakunom, a ra nye aner aya sang a tana ku se̱ be ike̱ng ikak imaan'e baꞌ. Sang a tu nye aner aya a ta kok rice naza baꞌ, ka afe riye̱ rife ka aner a ta so̱ kugbe̱re̱ ma a ta feng'e, ka aner a ta shim kuren ka aner aya a ta ma ka shim itso̱m baꞌ.

2 aKoranti 11:10

Kamok katsak aKiristi ka ta se kaye̱e̱r'i, aner akak kuse niben Akaya afe a ta kyem a tin roon kuya kuka'ong baꞌ.

aLuka 20:40

Nama anong akak ba ra ba kyem á tu rip ike̱ng ikak baꞌ.

aYohana 10:12

Aner aya a tu ku sok kamok kufek, sang itsamang'me wor i te ifu baꞌ. Kamok anong, izen iya ne wu di abo̱ saase, ne wu teng a ta won itsamang'me. Ne abo̱ nikpa ni itsamang'me ne a ku fo ba.

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

1 aTimoti 5:4

Amma ke akumung'e be inoon ka nabon ayi, inoon'e be nabon'e ra kuus ike̱ng iya rife̱ Adakunom ta fe̱ nong á tin sak riye̱ na ango̱ ba'me. Kamok be anong ne ba tu ku karang ike̱ng iya ángo̱ be ákaka ba'me tá ka nye ba'me. Iyong ne i nye ike̱ng iya Adakunom ta shim.

1 aTimoti 5:13

Ke ba nye anong á me̱ be akpe̱de̱ng kusor ne á tsang á kar na nasa. Sang á sor kpe̱de̱ng tsek baꞌ, amma á tseng á nye imok ne á tsang á ni tes kanu nike̱re̱ ánerawe. Á tsang á fe̱ ike̱re̱ iya i ta taas ke ba fe̱ baꞌ.

2 aTimoti 2:18

áya a tá won iren katsak'e. Ba fe̱ ye izen kudorok ikom nare̱k n gor ma á sak ákak won kuno̱o̱k katsak ba.