aTitus 1:10 - Izere New Testament

¹⁰ Áfe kushonong kuse whe̱re̱ ne áfe kufe̱ kpe̱de̱ng kuse ne áya a ta wo̱ro̱k ánerawe, abanang áner aya a ta kuus kubo̱so̱p áner aYahuda baꞌ.

aTitus 1:10 Referans Kwoze

1 aTimoti 1:6

Ánerawe'me ákak n taam an won iren itek á tá mu ku bun nikuus akpe̱de̱ng rife̱.

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

aGalati 2:4

Itak na dorok kamok áfikuus abo̱o̱s ákak ti no̱ ni yir nong ase̱ á tin farang yir nong á ta di kanye̱k kusor yir ne kusor kutek yir ta se̱ yir kaye̱e̱r aYeso Kiristi, nong a ti sak yir ta te yir ásam.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

aYakub 1:26

Ke akak sok rice wu ye wu ren Adakunom ne a ra kyem a yiir kanu wu baꞌ, a wo̱k rice wu, i nye ye kuren Adakunom wu sor ikeng ikak baꞌ.

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

Itomong Ámanzo 11:2

Iyong nizen iya aBitrus tú ku bun na aUshalima, áko̱k kasho̱o̱n áner aYahuda aya a tá nye afikuus'e tú ku zhe̱e̱r.

Ike̱ng a ta tonong aYohana 2:14

Amma gip be anong, ike̱re̱ ikak kuse cie̱k mi ta be be wan; Áner akak kuse kaye̱e̱r yin a tá kuus kubo̱so̱p aBalam, kuya a ta bo̱so̱p aBalak'e ta sak áner Isarela tá nye rine̱n, a tá ya naya naya itsi ne á nye rikuna.

Ike̱ng a ta tonong aYohana 2:6

Amma ike̱ng ikak itek wan tá nye, nye wan tá rawan amaan kunye áner aNikolata kyo̱ndi mi tá ramin.

1 aYohana 2:18

Inoon'i, yin aya mi ta shim, won ta ka tak yin, inom na nye izen gang'e. Kyo̱ndi yin tá fok yin ye ámudo̱n aYeso Kiristi tà be̱, kyo̱o̱rna gip ámudo̱n'e m be̱ whe̱re̱. Kamok anong yir ren yir ye inom igang'e m be̱ bubarak.

2 aTimoti 4:4

Ánerawe ta raba kufok katsak, amma á ta ban á shim kufoos atin afekasho̱o̱n ingya.

1 aTimoti 1:4

Ku tak ba ye á ra won ku foos atin natoon átukop ba agbugbang'e ne ku kuus á ye̱re̱k ba dar igak. Kunye anong ti barang nanaan tsek sang ku tà be̱e̱n kuya kasho̱o̱n kanye̱k Adakunom kuya a ta se̱ kamok kuno̱o̱k katsak.

aGalati 3:1

Ka! Yin áner aGalati, yin yirim a? Angan sak yin te nye yin titak anong e̱? Yin ne a ta ka tak yin itak natoon kutigak aYeso Kiristi gye̱r gye̱r.

Itomong Ámanzo 20:29

Mi ren ye nama mi tana tseng, amaan ágabu tà be̱ no̱ kaye̱e̱r yin nong á tin kpa nukpara'me.

Itomong Ámanzo 15:1

Yong áner akak ne na aYahudiya á ta be̱ na Antakiya nong á se bo̱so̱p áfikuus'e ye, “Sang ke a ta nye yin izhak kyo̱ndi aMusa tá fe̱ baꞌ, yin ta kyem i se̱ yin kashesh baꞌ.”

Itomong Ámanzo 15:24

Yir fok yir ye áner akak ne aze nufe yir á tá be̱ ka daam yin ne á ka sak yin nudaam dide̱ng be kuri ike̱re̱ iya ba tá fe̱. Sang yir ne i tá sak yir ba ye á ra nye anong baꞌ.

1 aTimoti 1:9

Yir bun i ren yir gip ye, sang a nye Itsi kamok áner á ta tseng gye̱r baꞌ, amma kamok áner aya a ta shonong ne á gaar kukuus Itsi'me. Itsi se kamok áya a ta raba iren Adakunom ne áfe rine̱n be áya a ta se zhe̱l baꞌ, ne áfurin ne áfe ku fe̱s ánerawe ne áya a tá fe̱s ada be ango̱ ba,

aTitus 1:6

Ako̱k kasho̱o̱n ikilisiya ra nye aner aya a se gye̱r nasho̱o̱n ánerawe, aner a ta be abining azining, inoon wu ra nye afikuus sang á tu se kpe̱rde̱k ka á tu shonong baꞌ.

1 aYohana 2:4

Ke akak fe̱ ye wu ren Adakunom a ra nye ike̱re̱ iya Adakunom'me tá fe̱ ye a ra nye baꞌ, i nye ye a be abo̱o̱s, katsak kuse riye̱ wu baꞌ.

aMatiyu 23:14

[Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin mo̱o̱r yin ákumung ne i nye yin aduwa aso̱p afe abo̱o̱s. Kamok anong, a tà ka to̱ yin amok aya a ta nar afe koangan.]