Biblia Todo Logo
Bib sou entènèt

- Piblisite -




aRom 9:4 - Izere New Testament

4 áner Isarela. Ba ne Adakunom tú ku sak ba á tá te inoon wu, a tú tonong ba kuyiik wu, a tú ku nye ba kushu be Itsi iya a ta ka no̱o̱k ba, ne a ka tonong ba iren ku kuya iben ife katsak. A bun a tú ku no̱o̱k ba kuto̱.

Gade chapit la Kopi




aRom 9:4
61 Referans Kwoze  

Yiring yin nizen iyong, yin tsang i se yin mak be aKiristi baꞌ, a ta sok yin ye yin nye yin áner Isarela baꞌ, ye, yin be yin ike̱ng ikak kaye̱e̱r kushu Adakunom tá nye be átukop yir baꞌ. Kaye̱e̱r kazatse na yin se yin dar kute riye̱ ne yin be yin Adakunom baꞌ.


Sang i se ye rife̱ Adakunom n kpa baꞌ. Sang koangan aner Isarela ne a nye aner aya Adakunom ta kasa baꞌ.


Adakunom fe̱ ye wu tà ka no̱o̱k, Kabik Kazhe̱l'e, kamok yin be inoon yin ne áner aya a ta se gugo̱k, ne áya Agwo̱m Ágwo̱m yir Adakunom tana ku yis ba.”


Kushu kufe ime̱se̱ng'e tonong iren a tana ya Adakunom iben, be karo̱ ku kuya iben anerawe ta nye.


Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”


Kamok Itsi be̱ nubo̱k aMusa, amma ritek be katsak be̱ nubo̱k aYeso aKiristi.


Ike̱re̱'ong a tá nye se natoon kuyas be kuso̱ ne ku naka kusu. Ike̱re̱'ong nye ife kuro̱m tsek iya a tin nye itomong ma nizen iya Adakunom ta shishing koakye.


Nama alaple afe afa'me, kutu kukak tuse a tá yis ye Karo̱ Ka tá nar Kuse Zhe̱l.


aYeso tá fa di aFilibus tá saase nufu ayong a fe̱ be wu ye, “Di, yin aner Isarela afe katsak, aya a ta be naborok baꞌ.”


aYeso fe̱ be ba gbak ye, “Fok yin kumaas kukak: Aner ikap akak tuse a ta tuus íca kakon anap; a tá gorok riko̱'me ne a ta ribong a tanin fi ashi anap'e, a nye karo̱ garang nong aner kutor riko̱'me tin sor. Ne a no̱o̱k aner akak riko̱'me nong á tu ku ras mo ike̱ng ikak ne a be nutseng nuwo̱p kukak.


Ei katsak'e, á nar ribir'e nike̱re̱ dide̱ng. Ni ime̱se̱ng'e Adakunom tú no̱o̱k ba rife̱ wu.


Ke ba fe̱ ye ba nye áner Ibrani, mi gip mi nye. Ke ba fe̱ ye ba nye áner Isarela, mi gip mi nye. Ke ba fe̱ ye ba nye kuri Ibrahim, to̱, mi gip mi nye.


Ike̱ng iya Adakunom tá tsang a ni sak'e, a fe̱ be Ibrahim ne igon kakak kaye̱e̱r kuri wu nasho̱o̱n, sang kufumung rife̱ Adakunom fe̱ ye, “Be inoon baꞌ.” Rife̱'me se natoon ánerawe baꞌ amma “natoon igon kakak kaye̱e̱r kuri wan” Rife̱'me se natoon aner azining, a nye aKiristi.


Ike̱re̱ ikak ifa i tá tas amaleka a tá yis ye aCerubim se natoon akpate'me, a ti ta nawu naro̱ kure̱ng rine̱n'e. Amma kyo̱o̱rna, yir ta kyem i fe̱ yir ike̱ng ikak natoon ike̱re̱'me nye̱k nye̱k baꞌ.


Nizen iya a tá saas ike̱re̱ na cei anong, ne átsi ra ma no̱ nutu kufe kanu'me, á tá nye itomong ba.


Swiv nou:

Piblisite


Piblisite