aRom 9:3 - Izere New Testament

³ Ye a fa fe̱ ye mi be rice mi ne a ti fiming a bun a tin kam be aKiristi nong ároneng afe izere mi ta se̱ kashesh, to̱ tsek,

aRom 9:3 Referans Kwoze

aRom 11:14

Be anong ne mi ti te riye̱ ye kashim áner'i, áner Isarela ta ka shishim yin, nong ákak ba ta se̱ kashesh.

aGalati 3:10

An fiming cei áfe a tin fereng ni ikuus Itsi aMusa, kamok i se ni izibir ye “An fiming koangan áfe a ta won dar á yiir nye koakye ike̱ng i ta se ni izibir kaye̱e̱r kufumung Itsi aMusa'me baꞌ.”

1 aKoranti 16:22

Aner aya a ta shim Agwo̱m Ágwo̱m baꞌ, Riman'e tu ku kuus. Be̱ aYeso, Agwo̱m Ágwo̱m.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

aGalati 1:8

Amma mi fa fe̱ ye, akak kaye̱e̱r yir ka amaleka akak a ta ne naza ayi, ta tak yin Rife̱ Ritek rikak ze̱e̱r be riya yir ta ma ka tak yin, won rimaan'e tu ku kuus ma izen izen.

1 aKoranti 12:3

Kamok anong mi shim yin tu ren yin ye, aner akak kuse aya a ta be Kabik Adakunom a tana fe̱ ye, “A ra fiming aYeso baꞌ.” Akak kyem a ta fe̱ ye, “aYeso nye Agwo̱m Ágwo̱m” baꞌ, ma ke a be Kabik Kazhe̱l'e.

aRom 11:1

To̱, mi nye kurip: Iyong Adakunom gaar ánerawe wu a? Wayo, cie̱k! Mi be rice mi gip mi nye aner Isarela, aner kasa Ibrahim, kaye̱e̱r izo̱ro̱k aBanyami.

Itomong Ámanzo 13:26

“Ároneng, inoon atukop yir Ibrahim be yin áner i ta nye yin áner Isarela baꞌ, áya i ta fok yin inyim Adakunom, kutom itak kashesh kuya Adakunom ta tom na'me nye kufe yir cice̱r.

Itomong Ámanzo 22:5

Agbang atsi be áko̱k kasho̱o̱n yir cice̱r ta kyem a tonong ye mi nye anong. Mi se̱s afumung nubo̱k ba i tin tseng nufe ároneng yir áner aYahuda na aDamaskus. Mi tseng nong ta se̱ yising áfe a ta kuus Iren na azong nong ta be̱ be ba na aUshalima nong á tu ku to̱ ba amok.

Itomong Ámanzo 28:21

Iyong á fe̱ be wu ye, “Yir n se̱ yir kufumung kukak áner aYahuda ta zibir natoon kuse kumaan wan baꞌ. Aner aYahuda akak aya a ta ne azong ne a be̱ a min tak yir ike̱ng ikak natoon wan baꞌ.

aRom 1:3

Rife̱ Ritek'e se natoon Igon wu aya a tá nye kuri aDauda nuro̱m.

aRom 9:2

Kaye̱e̱r riye̱ mi be kudaam be riye̱ riwe dide̱ng ye̱r ye̱r ma riye̱ mi tse̱k.

aRom 16:7

Nye shou yin Adaronikus ne aZhuniyas, afuri mi á tá se nitso̱m mak be mi. Ba nye agbang'e kaye̱e̱r ámanzo, á tá te afikuus nasho̱o̱n'i.

aRom 16:11

Ku nye shou yin aHirudiya afuri mi. Ku nye shou yin áfekasa aNakisus áya a ta se kaye̱e̱r Agwo̱m Ágwo̱m yir.

aRom 16:21

aTimoti aferime̱ itomong'i ta nye yin ashou. Anong ne aLushiyos ne aZhaso be aSosipata, ba gip á nye ároneng a ta nye yin ashou.

2 aKoranti 12:15

Mi ta nye riye̱ rikan ke mi ta fe̱r koakye mi ta be, ma i ta no̱o̱k rice mi kamok yin, nong ta ka tobok yin. Ke mi ta shim yin dide̱ng anong ne yin ra te̱e̱k yin kufe yin a?

aGalati 1:9

Kyo̱ndi yir tan tsang fe̱ yir, anong ne mi bun i fe̱ kyo̱o̱rna gbak ye, koangan ne a ta ka nye awazi yin akak ze̱e̱r be aya yin ta min no̱o̱k yin katsak, won rimaan'e tu ku kuus ma izen izen.

Afisa 6:5

Yin ásam, kuus yin ike̱ng iya átekasa yin áfe kazatse ta fe̱ be yin be inyim ne ikap kutiim be riye̱ rizining kyo̱ndi aKiristi ne yin sen ku nye yin'e.