aRom 9:22 - Izere New Testament

²² Anong ne itomong Adakunom se. Ke a shim ne a tonong riye̱ kubeseng wu, ne a bun a tonong kukyem wu kanang. Amma kaye̱e̱r acaang riye̱ wu, a tsesek dide̱ng be aya i ta se gye̱r ke di kubeseng riye̱ wu aya Adakunom tan gang kanye̱k ku ka shosh ba.

aRom 9:22 Referans Kwoze

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

1 aBitrus 2:8

I bun i se ni izibir naro̱ kakak ye, “Kuta'me sak ánerawe ta tu atak, ku sak ánerawe ta kpas!” Ánerawe'me ti tu atak kamok ba raba kukuus rife̱ Adakunom. Kamok anong ne Adakunom tsang sak afe a tá gaar kukuus rife̱ wu'me.

aRom 9:21

Aser, sang ano̱k nadonong ta kyem a bo̱ rirem naro̱ kazining nong a tin nye kadonong kakak yiik ne a nye kakak fe̱re̱ aꞌa?

2 aTimoti 2:20

Kaye̱e̱r agbang kasa a sak awan izinariya ne azurfa tsek baꞌ, amma ike̱re̱ a ta nye be ikon ne riro̱p gip. Kamok ike̱re̱'me ikak i nye ife itomong i ta nye ife kuyiik ne ikak nye ife kuyiik baꞌ.

1 aTasalonika 2:16

A ti roon yir kutaas ánerawe áya a ta nye áner aYahuda baꞌ rife̱ Agwo̱m Ágwo̱m yir nong fan á bu se̱ kashesh. Be kunye anong ne ba ti barang kutusung rine̱n ba, amma kyo̱o̱rna riye̱ kubeseng Adakunom n min tiik natoon ba.

aRom 9:17

Kamok rife̱ Adakunom fe̱ be aFiruna ye, “Mi tà sak wan ta te agwo̱m nong ase̱ mi tin tonong kukyem'i natoon wan, ne kazatse cei ren riyerek'i.”

2 aBitrus 2:3

Kamok kuye̱re̱k ba, á tà ka wo̱ro̱k yin nong á ta ka mo̱o̱r yin be rife̱ re̱m re̱m. Amma kum gbugbang Adakunom ma ka te̱n ba amok riku. Amok ba ku se a sen ka tor ba.

1 aTasalonika 5:9

Kanye̱k Adakunom se nong amok tin ku ni yir baꞌ, amma nong yir ta se̱ yir kashesh kaye̱e̱r Agwo̱m Ágwo̱m yir.

2 aBitrus 3:15

Ren yin ye kutsesek Adakunom se nong ánerawe ta se̱ kashesh, kyo̱ndi aronyining yir aBulus aya yir ta shim yir, tá ka zibir yin'e gip be kukyem kuya Adakunom tú ku no̱o̱k.

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.

1 aBitrus 3:20

Nabik nayong'e nye naya á tá raba ku kuus rife̱ Adakunom gip be anong gbugbang nizen aNuhu. Á raba ku kuus ike̱ng iya Adakunom tá fe̱. Adakunom tsesek be ba nizen iya aNuhu tá nye Kukpara ashi'me. Nizen iyong'e ánerawe ikara tsek ne a whe̱r.

aRom 1:18

Adakunom sen tonong riye̱ kubeseng wu ri ta ne naza natoon áya a ta zhe̱e̱sh Adakunom ne amaan kunye ánerawe áya a ta she̱re̱k katsak kaye̱e̱r amaan kunye ba.

aRom 9:20

Amma wan anerawe, wan nye akye̱ wan tana ya kanu be Adakunom e̱? “Ike̱ng ikak a tá nye ta kyem i fe̱ be aner aya a tú ku nye'me ye, ‘Akye̱ sak wan tin nye ana a?’ ”