aRom 9:16 - Izere New Testament

¹⁶ To̱, sang i se ye, ike̱ng anerawe ta shim ka kuren kunye wu baꞌ, amma ritek Adakunom tsek.

aRom 9:16 Referans Kwoze

Afisa 2:8

Ei, kamok ritek Adakunom ne yin ti se̱ yin kashesh ne kamok kuno̱o̱k katsak yin, sang kamok kunye yin baꞌ, amma Adakunom ne a no̱o̱k,

aFilipi 2:13

Kamok Adakunom be rice wu ne a nye itomong kaye̱e̱r aye̱ yin, kuus yin ike̱ng iya i ta nye kuto̱ro̱ng wu kutek, ne i ni nye yin itomong.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

aRom 9:11

Kum ne an tsang a tes Isuwa be aYakub baꞌ ka kum ne ba tsang an nye ike̱ng ikak itek ka imaan'e baꞌ, Adakunom fe̱ be aRifkatu ye, “Igon kako'me tà nye kawusong'e itomong.” Adakunom fe̱ anong nong a ta tonong ye aner a tana kasa a tu ku kasa kamok kushim Adakunom sang kamok itomong aner'e.

aLuka 10:21

Nizen iyong aYeso n shining be Kabik Kazhe̱l'e yong a fe̱ ye, “Mi be riye̱ rikan be wan, Ada agbang, Agwo̱m Ágwo̱m, wan afe i tá nye kaza be kaben, kamok wan ne̱r áya a tá be kukyem ne áya a tá ren ike̱ng natoon ike̱re̱ na nong i ta tonong áya a ta se kyo̱ndi inoon zhizhe̱k. I se gye̱r anong, Ada, kamok iyong ne i nye kushim riye̱ wan.

aYohana 3:8

Kuwun fe̱se̱m ne ku tseng nabas aya ku ta shim wan ta fok nawor'e, amma wan ta kyem i ren karo̱ ku ta ne ka karo̱ ku tú ku be baꞌ. Anong ne i se be koangan afe a ta be kutes Kabik.”

aMatiyu 4:8

Ne Ishetan ame bun a tseng be wu natoon rifan ri ta se garang dide̱ng gbak, nong a tú ku tosong rigwo̱m kazatse ne kuyiik'e cice̱r.

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

aGalati 2:2

Mi tseng kamok Adakunom ti tonong ye i ra tseng. Mi su ku taas ba Rife̱ Ritek mi tá taas áner afe sang a tá nye aner aYahuda baꞌ. Amma na kyo̱o̱n mi taas áfe a tá nye áko̱k kasho̱o̱n'e, kamok mi fok inyim ye kashim itomong iya mi ta sen nye'me be ife mi tan nye ta wei kpe̱de̱ng.