1 Katsak'e, ne mi fe̱ kamok aKiristi, sang mi bo̱ abo̱o̱s baꞌ, kaye̱e̱r kuto̱ro̱ng'i ne ike̱ng iya Kabik Kazhe̱l'e tin tonong, mi no̱o̱k katsak ye i nye katsak.
Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.
Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.
Sang tu to̱ yin kyo̱ndi nizen iyong cei, yir fe̱ yir nong tin te̱ne̱ng yir rice yir nasho̱o̱n yin baꞌ. Adakunom ren, yir fe̱ yir katsak kyo̱ndi áya a ta se kaye̱e̱r aKiristi. Ároneng áfe riye̱ mi, koakye ike̱ng yir ta nye yir, i nye yir nong yin tin se̱ yin agap.
Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.
Nasho̱o̱n Adakunom ne aYeso Kiristi ne ámaleka a ta kasa, mi ta nye akusuk ye, i ra kuus ike̱re̱ mi ta fe̱ be wan na gye̱r gye̱r sang be kushim rice ka ku tonong ye wan shim akak ne i nar'e baꞌ.
Kunye ba tonong ye ike̱re̱ Itsi tá fe̱ ye a ra nye se kaye̱e̱r ba, kuto̱ro̱ng aye̱ ba tonong anong gip. Kamok izen ikak kuto̱ro̱ng aye̱'me tonong ye ba taam, nizen ikak ne i ku tonong ba ye ba taam baꞌ.)