aRom 8:7 - Izere New Testament

⁷ Kamok koangan afe rine̱n tin nye rigwo̱m natoon wu te amudo̱n Adakunom'ong, kamok a kuus Itsi Adakunom ta fe̱ baꞌ, a ta kyem a nye baꞌ.

aRom 8:7 Referans Kwoze

1 aKoranti 2:14

Aner aya a be Kabik Adakunom baꞌ, a ta shim ike̱re̱ i ta nye ife Kabik baꞌ kamok ike̱re̱ Kabik'e sor rifunam nufu. A ta kyem a ren ike̱ng Kabik'e tin fe̱ baꞌ, kamok aner aya a ta be kabik tsek ne a ta kyem a ren.

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

aRom 7:22

Kamok kaye̱e̱r riye̱ mi, mi fok kusas Itsi Adakunom.

Ibrani 8:10

Kushu kuya mi tana nye be kasa áner Isarela na: Agwo̱m Ágwo̱m fe̱ ye nama izen iyong, mi tà ka te ba Itsi kaye̱e̱r aye̱ ba ne i bun i zibir naye̱ ba. Mi tà te Adakunom ba ne ba te ánerawe mi.

2 aTimoti 3:4

ne á naka mo̱o̱r ne á shim kunye ike̱re̱ gbashak ne á kok rice naza ne á shim ike̱re̱ kazatse ne inar Adakunom,

aKolosi 1:21

Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.

aRom 8:4

Adakunom nye anong, nong a tin shining yir be koakye ike̱ng i ta se gye̱r nasho̱o̱n wu iya Itsi tá fe̱ ye a ra nye, yir aya sang i ta sor yir kaye̱e̱r kuse rinerawe baꞌ, amma kaye̱e̱r Kabik.

aRom 5:10

To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

aYohana 7:7

Yin kazatse ta kyem ka ta ka ranyin baꞌ, amma ka ti ramin kamok mi fe̱ ye itomong wu nye imaan'e.

aRom 3:31

Kamok anong, yong yir ta won yir Itsi kamok kuno̱o̱k katsak na a? Wayo, ko cie̱k, ta titsik yir ingya.

aRom 1:30

ne á fe̱ me̱r be akak. Á di Adakunom kye̱re̱ ne á shonong ne á kok rice naza ne á naka tiyiik. Á gung rice nong á tá nye anyas, á gaar kufok rife̱ átek ba.

aMatiyu 12:34

Yin naban afomong yin i ta nye yin amaan'e, yin ta san yin ane̱ ta fe̱ yin ike̱ng itek e̱? Ike̱ng i ta se kaye̱e̱r riye̱ aner ne i wuruk nanu wu.

2 aBitrus 2:14

Á shim ku tse̱se̱k ányining dide̱ng, ma á ro̱n be kunye rine̱n baꞌ. Á tsang á wo̱ro̱k áner aya sang á tan nyeseng be agap baꞌ. Á mak á be kuye̱re̱k dide̱ng. Iri ba ne Adakunom ma ka fiming ba.

aMatiyu 5:19

Koangan ne a won ike̱ng ikak ihiir'e kaye̱e̱r Itsi na nong a ta bo̱so̱p ánerawe'me anong, a tù ku yis ye, kaba hiir'e kaye̱e̱r rigwo̱m kaza, amma aner aya ne a ta kuus ike̱re̱'me cei ne a bo̱so̱p ánerawe'me anong, a tù ku yis ye, agbang aner kaye̱e̱r rigwo̱m kaza.

1 aKoranti 9:21

Nizen iya mi ta se be áya a ta kuus Itsi baꞌ, mi sok rice mi i ta te kyo̱ndi áya Itsi tin be ike̱ng ikak natoon ba baꞌ, (Sang i se ye Itsi Adakunom won dar i ni be ike̱ng ikak rice mi baꞌ, Wayo, mi kuus Itsi aKiristi), nong ta korok aye̱ áya a ta kuus itsi'me baꞌ.

aKolosi 2:18

Aner akak shim ku tonong kuri kumees rice ba ta be ne á tonong ye ba ya ámaleka iben ne á shim ku ka zhe̱e̱sh yin ye kamok yin ta nye yin anong baꞌ, tin daam yin natoon ba baꞌ. Áner kuri ayong fe̱ ye ba ye̱re̱k ike̱ng ikak kyo̱ndi nabos, amma amaan kuto̱ro̱ng ba tu ku sak ba ta ya kuka kpe̱de̱ng tsek.