aRom 8:3 - Izere New Testament

³ Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aRom 8:3 Referans Kwoze

Itomong Ámanzo 13:39

Mi shim ke yin ren yin ye kamok wu ne koangan azining afe a tin no̱o̱k katsak ni wu ta se̱ kashesh kaya Itsi aMusa ta kyem i no̱o̱k baꞌ.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

Ibrani 10:14

Kamok a tá nye asidaka kutak kuzining, a sak áfe a ta te zhe̱l tà shining ma izen izen.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

aGalati 3:21

To̱, yong Itsi'me ta yirik kuto̱ Adakunom tá tsang a no̱o̱k a? Ko cie̱k, i se anong baꞌ, kamok ke i nye ye ánerawe shan Itsi aMusa nong a tin se̱ kutser to̱, i nye ye koangan ta kyem a te zhe̱l nasho̱o̱n Adakunom be kukuus Itsi.

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

aRom 3:20

Akak ta se̱ ku te gye̱r nasho̱o̱n Adakunom kamok a ta kuus ike̱ng iya Itsi tá fe̱ ye a ra nye baꞌ. Ike̱ng iya Itsi ta nye se ye, nong i ta tonong ánerawe rine̱n ba ingya.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

aFilipi 2:7

Amma a te kyo̱ndi wu nye ike̱ng ikak baꞌ, nong a tá sok kuse asam, ne a te kyo̱ndi anerawe ta se.

Ibrani 10:12

Amma aKiristi tá nye asidaka wu kutak kuzining kamok rine̱n ánerawe, a sonong nubo̱k riya Adakunom.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

aRom 9:3

Ye a fa fe̱ ye mi be rice mi ne a ti fiming a bun a tin kam be aKiristi nong ároneng afe izere mi ta se̱ kashesh, to̱ tsek,

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 9:24

Á bun á yis aner a tá tsang a nye akpato̱o̱n ame ife afa gbak nong á tá fe̱ be wu ye, “Fok inyim Adakunom wan, nong ta fe̱ katsak. Amma yir, yir ren yir aner nye aner rine̱n.”

aMarkus 15:27

A tigak ágbang ákpatang ákak afa mak be wu, azining nabas kubo̱k riya ne akak nabas kubo̱k rimen wu.

aRom 7:18

Mi ren ye sang ike̱ng ikak itek kuse kaye̱e̱r'i baꞌ, ife rinerawe. Kamok mi shim kunye ike̱re̱ i ta nye itek, amma kunye anong'e ti gaar.