aRom 8:26 - Izere New Testament

²⁶ Anong ne Kabik ti se̱ mo yir kaye̱e̱r kuraar yir. Yir ren yir ka ane̱ ne i ta nye yir aduwa baꞌ, amma Kabik be rice wu ne a ti nye yir aduwa be kurus kuya akak tana kyem a fe̱ baꞌ.

aRom 8:26 Referans Kwoze

aMatiyu 10:20

Kamok sang yin ne i fe̱ yin kanu baꞌ, Kabik Ada yin ne a fe̱ kaye̱e̱r yin.

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

aYohana 14:16

Mi tà nye Ada'me izong nong a tà ka no̱o̱k yin Aner Kutobok ne a sor tà mak be yin ma izen izen.

Afisa 2:18

Kamok wu ne yir ti se̱ yir iren ku be nufe Ada, iren izining, iya ita se kaye̱e̱r Kabik.

aRom 8:15

Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aYakub 4:3

Izen iya yin rip yin i se̱ yin baꞌ, kamok yin rip yin be amaan kuto̱ro̱ng nong ta wei yin ikeng iya yin ta se̱ yin nike̱re̱ rice yin.

aRom 15:1

Yir afe kuno̱o̱k katsak yir ta be agap won i tu tobok yir aya a ta be agap nabik baꞌ, sang i tu nye yir ike̱re̱ iya i tin se yir gye̱r tsek baꞌ.

aLuka 22:44

A tá se kaye̱e̱r kudaam dide̱ng, yong a ti barang kunye aduwa. Kutsin wuruk kyo̱ndi naso̱k ku tá teng ne ku kpas kaben.

2 aKoranti 5:4

Kum yir ta rusek yir kaye̱e̱r kuro̱m na kaye̱e̱r kazatse, yir ta rus yir kamok a min firik yir, kamok yir shim ta sor yir íca'me baꞌ. Amma yir shim a tin kis yir be kuro̱m kufe kaza nong ike̱ng ife i ta be kutser ta wo̱no̱ng ike̱ng iya i ta nye ife kuro̱m iya i tana ku.

2 aKoranti 5:2

Yir rus yir be iro̱m na ne i be yir ifeng ye a tin kis yir be iro̱m ifas kaye̱e̱r kaza.

aMatiyu 20:22

Amma aYeso fe̱ be ba ye, “Yin ren yin ike̱ng yin ta tse̱r yin baꞌ. Yin ta kyem i so̱ yin na ako̱p mi tanin so̱ a?” Ba tú ku shim'e ye, “Yir ta kyem yir.”

Ibrani 5:2

A kyem a nye tatan be áya a ta taam ne áya a ta dun kuren ike̱ng, kamok wu be rice wu ta be kuraar kuri kufe̱ rinerawe gip.

aRom 7:24

Awo̱ tsek be mi, ike̱ng kuro̱ riye̱. Angan tin shesh kaye̱e̱r kuro̱m na ku ta tseng be mi kaye̱e̱r riku e̱?