aRom 8:25 - Izere New Testament

²⁵ Amma ke yir min te yir riye̱ nike̱ng iya sang yir tan se̱ yir nizham baꞌ, yir naka tsesek yir ta tor yir.

aRom 8:25 Referans Kwoze

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aKolosi 1:11

Yir bun i nye yir aduwa ye yin ta te yin gbugbong be ayiik kukyem wu nong yin ta se̱ yin ku naka tsesek ne i yiir yin aye̱. Won yin tu sor yin áfe riye̱ rikan,

aLuka 21:19

Nyeseng yin be agap, yin tà se̱ yin kashesh.”

2 aTasalonika 3:5

Won Agwo̱m Ágwo̱m tu sak yin tu ren yin agbang kushim Adakunom ne kutsesek kuya ku ta nes nufe aYeso Kiristi.

aRom 8:23

Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ibrani 6:12

Yir shim yin tu yo̱mo̱ng yin baꞌ, amma sor yin kyo̱ndi áya a tin no̱o̱k katsak ne á naka tsesek ma á ya kutse ike̱ng iya Adakunom ta tsang a fe̱.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

Ike̱ng a ta tonong aYohana 13:10

Koangan á ta tsang a se ye, a tu ku yiir a ta te asam ta te asam'me. Aya a ta se ye a tú ku fe̱r be itsor, be itsor ne a tù ku fe̱r'e. Iyong tonong ye ázhe̱l'e ra naka tsesek ne á no̱o̱k katsak na Adakunom.

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.