aRom 8:22 - Izere New Testament

²² Yir ren yir ye ike̱re̱'me cice̱r Adakunom ta nye'me ru rus kyo̱ndi aner abining tá rus nizen kutes ma kyo̱o̱rna.

aRom 8:22 Referans Kwoze

aYohana 16:21

Aner abining a ta sen tes igon fok kuro̱'me, kamok izen kutes wu tan nye. Amma izen iya ne a tes igon wu, ne a tiburum risam'me kamok a be riye̱ rikan wu tan tes igon nazatse.

aRom 8:20

Ike̱re̱ Adakunom tá nye, shining ike̱ng i ta sak a tá ka nye ba baꞌ, sang i se ye kamok ike̱re̱'me ta shim anong baꞌ, amma kamok Adakunom shim anong. A nye anong ne a ni te riye̱,

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

Ike̱ng a ta tonong aYohana 12:2

Abining'e se be kafa yong a yiir tos be kuro̱'me kamok izen kutes wu tsang i nye.

aMarkus 16:15

A fe̱ be ba ye, “Tseng yin koake̱ kaye̱e̱r kazatse, se taas yin ánerawe cice̱r Rife̱ Ritek'e.