aRom 8:19 - Izere New Testament

¹⁹ Koakye ike̱ng Adakunom ta nye sen tor be ifeng nong á tà di inoon Adakunom'me.

aRom 8:19 Referans Kwoze

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

aRom 8:23

Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

Itomong Ámanzo 3:21

Wu tà sor azong kaye̱e̱r kaza ma nizen iya Adakunom tana shishing koakye ike̱ng nizham kyo̱ndi wu tá tsang a fe̱ gbugbang ni nanu áner kuzarap wu ázhe̱l'e.

aMatiyu 5:9

Áner riye̱ rikan ne á nye aner aya a ta shim kugung rice, kamok a tù ku yis ba ye inoon Adakunom.

aYohana 1:12

Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

aRom 8:14

Kamok áner aya ne Kabik Adakunom tu ku ko̱k ba kasho̱o̱n ne á nye inoon Adakunom.

aRom 8:16

Kabik Adakunom be rice wu nyim be kafe yir a ta tonong ye yir nye yir inoon Adakunom.

aRom 8:18

Mi no̱o̱k katsak ye a ta kyem a maas risam yir ta sen so̱ yir'e kyo̱o̱rna be kuri kuyiik kuya a tanin tonong yir nasho̱o̱n baꞌ.

aRom 9:26

“Dim naro̱ a ta fe̱ ye, ‘Yin nye yin ánerawe mi baꞌ,’ Naro̱ kayong ne a ta fe̱ be ba ye, ‘Inoon Adakunom afe kutser.’ ”

1 aKoranti 1:7

Kamok anong yin dun yin kunang kabik ta nyesek baꞌ, yin ta sen tor yin kube̱ Agwo̱m Ágwo̱m yir aYeso Kiristi be ifeng.

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aKolosi 3:4

Nizen iya aKiristi, aya a ta nye kutser yin, tana wuruk de̱s, yin gip, yin ta wuruk yin de̱s mak be wu kaye̱e̱r kuyiik wu.

Ibrani 12:27

Rife̱ a ta fe̱ ye, “kutak kuzining'ong” tonong ye, a ta turung ike̱re̱ iya a ta zuur'me; i ta nye ike̱re̱ iya Adakunom tá nye, kamok ike̱re̱'me ikak iya sang a tá kyem á zuur baꞌ, kuse.

1 aBitrus 1:7

Ike̱re̱ iya i ta ka se̱s yin'ong se nong a ta ren kuri kuno̱o̱k katsak kuya yin ta be yin. Izinariya gip i tana beseng, a bo̱mo̱ng be kuro̱ng nong a ta di ka i nye itek e̱. Anong ne a ta bo̱mo̱ng kuno̱o̱k katsak yin gip, kuya ku ta nar izinariya yiik. Be anong ne ku tà ka be̱e̱n yin nakerek be kuyiik katuk kaya a tana tonong aYeso Kiristi.

1 aBitrus 1:13

Kamok anong, nye yin kanye̱k kaye̱e̱r aye̱ yin kamok itomong: yiir yin rice yin, ne i ni te yin riye̱ dide̱ng natoon ritek riya a tana ka no̱o̱k yin katuk kaya a tana tonong aYeso Kiristi.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.