aRom 8:16 - Izere New Testament

¹⁶ Kabik Adakunom be rice wu nyim be kafe yir a ta tonong ye yir nye yir inoon Adakunom.

aRom 8:16 Referans Kwoze

1 aYohana 4:13

Yir ren yir ye yir se yir kaye̱e̱r wu ne wu se kaye̱e̱r aye̱ yir gip, kamok Adakunom ti no̱o̱k yir Kabik wu Kazhe̱l'e.

2 aKoranti 1:22

a min tse̱k yir izizo̱ wu, ne a bun a ti no̱o̱k yir kabik wu kaye̱e̱r aye̱ yir ye nong yir ta te yir afu, nong tin no̱o̱k yir katsak natoon ike̱ng i tana be̱.

2 aKoranti 5:5

Adakunom be rice wu ne a ti nye yir iren kushishing'e, a ti no̱o̱k yir kabik wu nong ka tin tonong yir kanang ike̱ng iya Adakunom ta fe̱ ye wu tana nye dim.

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

aRom 8:26

Anong ne Kabik ti se̱ mo yir kaye̱e̱r kuraar yir. Yir ren yir ka ane̱ ne i ta nye yir aduwa baꞌ, amma Kabik be rice wu ne a ti nye yir aduwa be kurus kuya akak tana kyem a fe̱ baꞌ.

Afisa 4:30

Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

aRom 8:23

Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.

1 aYohana 5:10

Koangan afe a ta no̱o̱k katsak ye aYeso ne a nye Igon Adakunom'me ren riye̱ wu ye ike̱ng Adakunom tá fe̱ nye katsak. Koangan afe a tin no̱o̱k katsak nike̱ng Adakunom tá fe̱'me baꞌ, a tonong ye Adakunom be abo̱o̱s kamok a ti no̱o̱k katsak nike̱ng Adakunom tá fe̱ natoon Igon wu baꞌ.

aMatiyu 5:9

Áner riye̱ rikan ne á nye aner aya a ta shim kugung rice, kamok a tù ku yis ba ye inoon Adakunom.

aLuka 20:36

Á tà ba kus baba baꞌ, kamok ba ma te kyo̱ndi ámaleka. Ba nye inoon Adakunom makong, kamok ba tá dorok nure̱k be kutser.

aYohana 1:12

Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

Itomong Ámanzo 5:32

Yir ne i nye yir áfe ku taas ike̱ng iya Adakunom tá nye kamok yir di yir be anyisi yir, Kabik Kazhe̱l'e kaya Adakunom ta no̱o̱k áfe a ta kuus rife̱ wu fe̱ anong gip.”

aRom 8:14

Kamok áner aya ne Kabik Adakunom tu ku ko̱k ba kasho̱o̱n ne á nye inoon Adakunom.

aRom 8:19

Koakye ike̱ng Adakunom ta nye sen tor be ifeng nong á tà di inoon Adakunom'me.

aRom 9:8

Iyong ne i sak inoon a ta se̱ nuro̱m ne na nye inoon Adakunom baꞌ, amma naya á tin no̱o̱k kuto̱ natoon'e ne á nye inoon nafe katsak.

aRom 9:26

“Dim naro̱ a ta fe̱ ye, ‘Yin nye yin ánerawe mi baꞌ,’ Naro̱ kayong ne a ta fe̱ be ba ye, ‘Inoon Adakunom afe kutser.’ ”

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

1 aYohana 3:10

Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.