aRom 8:15 - Izere New Testament

¹⁵ Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”

aRom 8:15 Referans Kwoze

2 aTimoti 1:7

Kamok kabik kaya Adakunom ti no̱o̱k yir nye kabik kufok inyim baꞌ, amma kafe kukyem ne kushim be kuyiir rice.

1 aKoranti 2:12

Yir n shan yir Kabik kaya ka tá ne̱ nufe Adakunom, sang kafe kazatse na baꞌ, nong ase̱ ta ren yir ike̱re̱ Adakunom tin no̱o̱k yir na awarak.

aRom 8:16

Kabik Adakunom be rice wu nyim be kafe yir a ta tonong ye yir nye yir inoon Adakunom.

Ibrani 2:15

ne a turung áya inyim riku ta ma ka te ba nitso̱m cice̱r.

Afisa 1:5

iyong ne i sak wu ta tsang a ni kasa yir nong ta te yir inoon wu kamok itomong aYeso Kiristi. A nye anong nushim wu ne ritek wu.

1 aYohana 4:18

Ke kushim kuse inyim tu kuse baꞌ, kamok kushim katsak tu ro inyim. Aner aya a ta fok inyim to̱ ye a tu ku to̱ amok. Aner aya a ta fok inyim be kushim kufe katsak baꞌ.

aMarkus 14:36

Ne aYeso nye aduwa ye, “Abba, Ada, wan kyem i nye koakye ike̱ng. Sok ako̱p risam na. To̱, nye ike̱ng iya wan ta shim sang iya mi ta shim baꞌ.”

aRom 8:23

Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.

aLuka 11:2

Ayong aYeso fe̱ be ba ye, “Izen iya yin tana nye yin aduwa, fe̱ yin ye, “ ‘Ada yir, won riyerek wan tu sor zhe̱l, rigwo̱m wan tu be̱.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

aLuka 22:42

“Ada, ke wan shim ne i ni sok risam na, amma sang i tu nye kushim'i baꞌ, ike̱ng iya wan ta shim.”

aYohana 16:8

Ke Aner Kutobok'e be̱, a tà te̱s rine̱n kazatse be ike̱ng iya i tana tonong kuse kuzhe̱l'e be amok Adakunom.

Itomong Ámanzo 16:29

Iyong aner'e fe̱ ye, a ru ku no̱o̱k kuro̱ng a tin di karo̱. Iyong a wor a dorok gbashak a se kpa nasho̱o̱n aBulus be aSila be ikap kutiim.

Itomong Ámanzo 2:37

Ánerawe tá fa fok anong, rife̱'me tú ku ra ba naye̱ ma a daam dide̱ng. Ne á fe̱ be aBitrus ne ribir ámanzo'me ye, “Ároneng, yir ta nye yir ane̱ e̱?”

aLuka 8:37

Iyong áner iben aGarasi ame cei fe̱ be aYeso ye, a ra tseng a tu ku won ba, kamok inyim tú ro̱ ba dide̱ng. Ayong aYeso no̱ kaye̱e̱r kukpara ashi, a tá tseng.

aLuka 8:28

Nizen iya a tá di aYeso, a tá kuto̱ ne á kpa natak wu, a tá tasak dide̱ng ye, “aYeso, Igon Adakunom Agbang Agwo̱m Ágwo̱m, wan tse̱r akye̱ be mi e̱? Kusuk, tin no̱o̱k risam baꞌ.”

aYakub 2:19

Wan no̱o̱k katsak ye Adakunom azining ne a kuse a? I se gye̱r! Amaan nabik gip a ti no̱o̱k katsak anong ne inyim.

aRom 8:26

Anong ne Kabik ti se̱ mo yir kaye̱e̱r kuraar yir. Yir ren yir ka ane̱ ne i ta nye yir aduwa baꞌ, amma Kabik be rice wu ne a ti nye yir aduwa be kurus kuya akak tana kyem a fe̱ baꞌ.

aRom 9:4

áner Isarela. Ba ne Adakunom tú ku sak ba á tá te inoon wu, a tú tonong ba kuyiik wu, a tú ku nye ba kushu be Itsi iya a ta ka no̱o̱k ba, ne a ka tonong ba iren ku kuya iben ife katsak. A bun a tú ku no̱o̱k ba kuto̱.

2 aKoranti 11:4

Ke aner akak be̱ nufe yin ye nong a ta ka taas yin itak aYeso akak ze̱e̱r be aYeso aya yir tá ma ka taas yin ka ye yin ta shan kabik kakak ze̱e̱r be kaya yin tan shan yin ka be Rife̱ Ritek rikak ze̱e̱r be riya yir tá ma ka tak yin. Mi di kyo̱ndi yin ta shan yin.

aGalati 2:4

Itak na dorok kamok áfikuus abo̱o̱s ákak ti no̱ ni yir nong ase̱ á tin farang yir nong á ta di kanye̱k kusor yir ne kusor kutek yir ta se̱ yir kaye̱e̱r aYeso Kiristi, nong a ti sak yir ta te yir ásam.

aGalati 5:1

Kamok nong ta sor yir ne̱k ne i sak aKiristi ti tun yir kaye̱e̱r kukuus Itsi. Kamok anong nyeseng yin be agap, sang tu ba sor yin kyo̱ndi ásam baba baꞌ.

aMatiyu 25:25

Iyong ne i sak mi tá fok inyim. Mi tseng i ta se rum ribong nong i tin ne̱r itso̱m wan tin no̱o̱k. Inga, ike̱ng wan tin no̱o̱k na'me.’