aRom 8:11 - Izere New Testament

¹¹ Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aRom 8:11 Referans Kwoze

2 aKoranti 4:14

Kamok yir ren yir ye aner aya a ta dorok Agwo̱m Ágwo̱m yir aYeso kaye̱e̱r kure̱k, a ta bun a tin dorok yir mak be wu, ne a bun a tseng be yir nasho̱o̱n wu mak be yin.

2 aKoranti 4:11

Ku sor yir kaye̱e̱r kazatse na cice̱r, yir sor yir kaye̱e̱r ike̱re̱ i tana kyem i tin fe̱s yir ti se̱s yir kamok aYeso, nong ta tonong yir kutser wu kaye̱e̱r kuro̱m yir iya i tana kus.

aRom 8:9

Amma yin, Kabik Adakunom ne ka ti nye rigwo̱m natoon yin sang rine̱n baꞌ, ke Kabik Adakunom sor kaye̱e̱r yin. Aner aya a ta be Kabik aKiristi baꞌ, a nye afe aKiristi baꞌ.

1 aKoranti 6:14

Adakunom kaye̱e̱r kukyem wu a sak Agwo̱m Ágwo̱m dorok nure̱k, a tà sak yir tà dorok yir gip.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aFilipi 3:21

Wu ne a be kukyem a tanin nye rigwo̱m natoon koakye. Be kukyem wu'me ne a tin shishing kuraar yir nuro̱m nong ku tà te yiik kyo̱ndi kufu.

aYohana 5:21

Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser.

Itomong Ámanzo 2:24

Adakunom tú ku dorok nure̱k be kutser, a tú ku kam be amaan risam riku kamok riku kyem ri tú ku yiir baꞌ.

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

Ike̱ng a ta tonong aYohana 11:11

Amma nama inom itaar be ribir'e, isong iya i ta nyeseng kutser tà ne nufe Adakunom i titiik niba. Iyong á wor á dorok be kutser. Koangan afe a tú ku di ba be kutser fok inyim makiyi.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

aYohana 14:17

Wu ne a nye Kabik kafe katsak. Kazatse ta kyem ka ku shan baꞌ, kamok ka kun ku di ka ka kun ku ren baꞌ. Amma yin tú ren yin, kamok a se be yin ne a tà sor kaye̱e̱r yin.

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

1 aKoranti 15:16

Ke i nye ye a dorok ikom baꞌ, to̱, aKiristi gip a tú ku dorok baꞌ.

aRom 6:12

Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

2 aKoranti 5:4

Kum yir ta rusek yir kaye̱e̱r kuro̱m na kaye̱e̱r kazatse, yir ta rus yir kamok a min firik yir, kamok yir shim ta sor yir íca'me baꞌ. Amma yir shim a tin kis yir be kuro̱m kufe kaza nong ike̱ng ife i ta be kutser ta wo̱no̱ng ike̱ng iya i ta nye ife kuro̱m iya i tana ku.

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

aRom 8:12

Kamok anong aroneng, yir be yir itomong, amma sang ta sor yir kuri kusor kuri kufe rinerawe baꞌ.

aRom 16:3

Ku nye shou yin aBiriskila ne Akila, áferime̱ itomong'i kaye̱e̱r aYeso Kiristi.

aRom 16:7

Nye shou yin Adaronikus ne aZhuniyas, afuri mi á tá se nitso̱m mak be mi. Ba nye agbang'e kaye̱e̱r ámanzo, á tá te afikuus nasho̱o̱n'i.

aRom 16:9

Ku nye shou yin aUbanas, aferime̱ itomong yir kaye̱e̱r aKiristi, ne agbang afertseng mi aSitakis.

aRom 16:10

Ku nye shou yin Apeles, aya i tá mu ku bo̱mo̱ng an di a be katsak kaye̱e̱r aKiristi. Ku nye shou yin áfekasa Aristobulus.

aGalati 6:8

Aner aya a ta tuus ike̱ng kaye̱e̱r kuse rinerawe, iyong tà tseng be wu riku. Amma aya ne a tuus kaye̱e̱r Kabik, a tà se̱ kutser kufe izen izen.