aRom 8:10 - Izere New Testament

¹⁰ Amma ke aKiristi sor kaye̱e̱r yin, yin ta kus yin kamok rine̱n, amma kabik yin nye katser kamok yin se yin gye̱r nasho̱o̱n Adakunom.

aRom 8:10 Referans Kwoze

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aYohana 17:23

Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aFilipi 1:23

I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

1 aKoranti 15:45

Kufumung rife̱ Adakunom fe̱ ye, “Adakunom nye Adamu afe ime̱se̱ng'e be kutser.” Adamu afe igang'e nye kabik kafe ka ta nyesek kutser.

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

aYohana 15:5

“Mi ne i nye ritin kakon anap'e, yin nye yin íwhang'e. Aner aya a sor kaye̱e̱r'i ne mi ma se kaye̱e̱r wu, wu ne a tà tes dide̱ng. Kamok sang ke be mi baꞌ, yin tà kyem i nye yin ike̱ng ikak baꞌ.

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

Ibrani 12:23

Yin n be̱ yin kaye̱e̱r áfikuus, áya a ta nye inoon nafe ife ime̱se̱ng'e áya ayerek ba ta se nuzibir kaye̱e̱r kaza. Yin n be̱ yin nufe Adakunom aya a tana to̱ ánerawe cice̱r amok ne nufe nabik áner aya a ta se zhe̱l, áya a ta shining gye̱r.

Ibrani 9:27

Kyo̱ndi a tan sak,

1 aTasalonika 4:16

Katuk kayong, Agwo̱m Ágwo̱m yir tà tiik kaben be rice wu, ne a yis be agap, be kuto̱ agbang amaleka ne a fe̱e̱p rigba Adakunom. Áya a tan tsang á kus kaye̱e̱r aKiristi baꞌ, ne á ta san kudorok.

2 aKoranti 13:5

Maas yin rice yin nong ta di yin ka yin kuus yin aYeso Kiristi kaye̱e̱r katsak'e, bo̱mo̱ng yin rice yin, yin ren yin ye aYeso aKiristi se kaye̱e̱r yin, sang ke yin kpa yin kumaas baꞌ.

2 aKoranti 4:11

Ku sor yir kaye̱e̱r kazatse na cice̱r, yir sor yir kaye̱e̱r ike̱re̱ i tana kyem i tin fe̱s yir ti se̱s yir kamok aYeso, nong ta tonong yir kutser wu kaye̱e̱r kuro̱m yir iya i tana kus.

aRom 5:21

nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

aRom 5:12

Kamok anong kyo̱ndi rine̱n tá no̱ nazatse kamok Adamu, rine̱n'e ne ri be̱e̱n be riku. Anong ne riku se natoon koangan, kamok koangan nye rine̱n.

aYohana 6:56

Koangan afe a ta ya rinam kuro̱m mi ne a so̱ naso̱k'i, ne a sor kaye̱e̱r'e ne mi sor kaye̱e̱r wu.

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

aYohana 6:54

Koangan afe a ta ya rinam kuro̱m'i ne a so̱ naso̱k'i, a be kutser kufe izen izen, mi tù ku dorok be kutser katuk igang'e.