aRom 8:1 - Izere New Testament

¹ Kamok anong, amok bu kuse natoon áya a ta se kaye̱e̱r aYeso Kiristi baꞌ.

aRom 8:1 Referans Kwoze

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

aRom 5:1

Kamok anong kum yir tan se̱ yir kute gye̱r nasho̱o̱n Adakunom kamok kuno̱o̱k katsak yir, yir sor yir caang be Adakunom kamok Agwo̱m Ágwo̱m yir, aYeso Kiristi.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aYohana 15:4

Sor yin kaye̱e̱r'i, ne mi ma kaye̱e̱r yin. Kyo̱ndi iwhang'e ikak tana kyem i tes a wan wu baꞌ, ma ke i se mak be kakon'e, anong ne yin ta kyem yin baꞌ ma yir sor kaye̱e̱r'i.

aFilipi 3:9

ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.

aRom 8:14

Kamok áner aya ne Kabik Adakunom tu ku ko̱k ba kasho̱o̱n ne á nye inoon Adakunom.

1 aKoranti 15:22

Kamok kyo̱ndi koangan tà ku kamok i ta wuruk yir kaye̱e̱r Adamu, anong ne a tà dorok koangan kaye̱e̱r aKiristi.

aGalati 5:16

Ike̱ng mi tin fe̱ nye ye, i ri won yin Kabik Adakunom ta ka ko̱k yin kuse̱, nong fan yin bu kuus yin kuse rinerawe.

aRom 8:4

Adakunom nye anong, nong a tin shining yir be koakye ike̱ng i ta se gye̱r nasho̱o̱n wu iya Itsi tá fe̱ ye a ra nye, yir aya sang i ta sor yir kaye̱e̱r kuse rinerawe baꞌ, amma kaye̱e̱r Kabik.

aRom 8:39

ka kuso̱p'e ka kutsik'e ka koakye kuri ike̱ng Adakunom ta nye, ike̱ng ikak kuse i tana kyem i tin kam yir be kushim afe Adakunom tin shim yir kaye̱e̱r aYeso Kiristi Agwo̱m Ágwo̱m yir baꞌ.

aGalati 5:25

Kum Kabik ne ka tin no̱o̱k yir kutser, won kabik'e tin ko̱k yir kuse̱.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aRom 7:20

To̱, ke i nye ye mi nye ike̱ng ife mi ta shim ta nye baꞌ, aser sang mi ne i nye baꞌ, amma rine̱n ri ta se kaye̱e̱r'i.

aRom 7:17

Sang mi be rice mi ne i nye ike̱re̱ na baꞌ, amma rine̱n ri ta se kaye̱e̱r'i.

2 aKoranti 12:2

Mi ren aner akak a tá nye afikuus aKiristi aye̱ kuso̱k be anaas a tá gor, aya Adakunom tú ku sok a tá ngarak'e naza kafe ataar. Mi ren ka a se kaye̱e̱r kuro̱m kuyu ka a ne̱ baꞌ, Adakunom tsek ne a ren.

aRom 16:7

Nye shou yin Adaronikus ne aZhuniyas, afuri mi á tá se nitso̱m mak be mi. Ba nye agbang'e kaye̱e̱r ámanzo, á tá te afikuus nasho̱o̱n'i.

aRom 16:3

Ku nye shou yin aBiriskila ne Akila, áferime̱ itomong'i kaye̱e̱r aYeso Kiristi.

aRom 5:16

Anong gbak kunang'e se ze̱e̱r be rine̱n aner azining'ong. Amok a ta to̱'ong se natoon rine̱n rizining. Amma kunang'e se nama rine̱n whe̱re̱ ne ri be̱e̱n kuse gye̱r nasho̱o̱n Adakunom.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aRom 8:9

Amma yin, Kabik Adakunom ne ka ti nye rigwo̱m natoon yin sang rine̱n baꞌ, ke Kabik Adakunom sor kaye̱e̱r yin. Aner aya a ta be Kabik aKiristi baꞌ, a nye afe aKiristi baꞌ.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

Afisa 1:1

Mi aBulus, aya i ta te amanzo aYeso Kiristi nushim Adakunom, mi ne i sen ka zibir yin kufumung na yin ázhe̱l'e áya a ta se kaye̱e̱r kuwo̱p Afisa, áya a ta kuus aYeso Kiristi be katsak.