aRom 7:6 - Izere New Testament

⁶ Amma kyo̱o̱rna, yir sor yir washak dar Itsi kamok yir n te kyo̱ndi ikom'e nike̱ng iya i ta tsang i sak yir te yir ásam'me. Kyo̱o̱rna, yir ma nye yir itomong niren ifas ife Kabik sang niren izen ife Itsi baꞌ.

aRom 7:6 Referans Kwoze

2 aKoranti 3:6

Wu ne a sak yir ta kyem i te yir áfe itomong kushu kufas, kuya ku ta ne nufe Kabik sang kufe Itsi baꞌ. Kamok Itsi be̱e̱n be riku, amma Kabik nyesek kutser.

aRom 7:4

Kamok anong ároneng, yin gip yin te yin kyo̱ndi yin kus yin nitak kukuus Itsi, kamok riku aYeso sak yin wher yin nitak Itsi, nong yin ta te yin afe akak ze̱e̱r, wu aya a tú ku dorok nure̱k, nong ase̱ yin tà nye yin itomong itek kamok Adakunom.

aRom 6:4

Kamok abatisma yir a ti ne̱r yir mak be wu, yir te yir azining be wu kaye̱e̱r riku wu. Kyo̱ndi a tá dorok aKiristi nure̱k be kutser be kuyiik Ada'me, anong ne yir gip ta sor yir kaye̱e̱r kusor kufas.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

aKolosi 3:10

nong i ta sok yin kuse kufas. Iyu ne i nye aner afas, aya Adakunom, aner a ta nye'me, yiir shishing'e nong a tu ku tas nong a ta sak yin tù ku ren yin dide̱ng.

aGalati 6:15

Ke kunye izhak be ku won dar kunye'me nye ike̱ng ikak baꞌ, ike̱ng iya i ta nye igbang'e nye nong ta te aner afas.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aRom 6:22

Amma kyo̱o̱rna a ta ma ka tun yin kaye̱e̱r rine̱n i tan te yin ásam Adakunom, ike̱ng iya yin tana se̱ yin nye kusor kuzhe̱l'e kuya ku tana be̱e̱n be kutser kufe izen izen.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

aRom 7:1

To̱, ároneng, kum yin ta ren yin Itsi yin ta ren yin ike̱ng iya mi tin fe̱ natoon'e. Itsi ti nye rigwo̱m natoon aner ke aner'e rusek be kutser tsek.

aRom 6:2

Wayo, cie̱k! Aye̱ yir n kus ni itak rine̱n. I ta bun i nye yir ane̱ i ta sor yir kaye̱e̱r rine̱n e̱?

aRom 6:19

Mi fe̱ rife̱ na kuri rife rinerawe kamok kuraar yin kufe ánerawe. Kyo̱ndi yin tá tsang i sok yin abas akak afe kuro̱m yin nong i tin nye yin ike̱re̱ i ta se kye̱re̱ ne amaan kunye, kyo̱o̱rna no̱o̱k yin rice yin kyo̱ndi ásam natoon kunye ike̱re̱ i tana tonong ye yin se yin gye̱r nong ta te yin azhe̱l'e.

aRom 6:11

Anong ne yin gip, sok yin rice yin ye rine̱n n ku kaye̱e̱r yin, amma ne i sor yin kamok kuyiik Adakunom kaye̱e̱r aYeso aKiristi.

aRom 1:9

Adakunom aya mi tu ku nye itomong be riye̱ rizining kaye̱e̱r kutaas Rife̱ Ritek Igon wu aYeso, ren kuri aduwa mi ta yiir nye ne i yiring be yin.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aRom 7:2

Ye̱re̱k yin ta di yin abining kuwe̱ne̱ng, Itsi kuwe̱ne̱ng se natoon wu ke amitek wu ru nye atser, amma ke amitek'e ku, to̱, kuwe̱ne̱ng ku se rice wu baꞌ.

Afisa 4:24

Sok yin kuse kufas'ong, kuya Adakunom ta nye, ku tu ku tas, ku ta se kaye̱e̱r katsak ne kuzhe̱l kusor.