aRom 7:5 - Izere New Testament

⁵ Kamok izen iya ife yir tá sor yir kaye̱e̱r kuraar yir kuri kufe rinerawe, Itsi ti wo̱k yir nunye rine̱n kushim riye̱ yir ma kunye yir'ong ti be̱e̱n yir riku.

aRom 7:5 Referans Kwoze

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aGalati 3:10

An fiming cei áfe a tin fereng ni ikuus Itsi aMusa, kamok i se ni izibir ye “An fiming koangan áfe a ta won dar á yiir nye koakye ike̱ng i ta se ni izibir kaye̱e̱r kufumung Itsi aMusa'me baꞌ.”

aRom 6:13

Sang tu no̱o̱k yin afe kuro̱m yir abas akak kamok rine̱n baꞌ nong ku ta sor ares amaan kunye baꞌ. Amma no̱o̱k yin Adakunom rice yin kyo̱ndi áner aya a tú ku tun ba kaye̱e̱r riku nong a tú ku bun kaye̱e̱r kutser. Ne i no̱o̱k yin rice yin kyo̱ndi ares ku ninye ike̱re̱ i ta se gye̱r nasho̱o̱n Adakunom.

aRom 6:21

Akye̱ kuri ishorong ne yin tà se̱ yin kaye̱e̱r ike̱re̱ iyong i ta sen ka no̱o̱k yin isum kyo̱o̱rna e̱? Ike̱re̱ iyong be̱e̱n riku!

1 aYohana 3:4

Koangan afe a ta yiir nye rine̱n tonong ye a rawu itsi Adakunom. Kunye rine̱n nye kuwon dar kukuus itsi Adakunom.

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

1 aKoranti 15:56

Nado̱m riku nye rine̱n, agap rine̱n nye Itsi.

aYakub 4:1

Akye̱ ne be̱s be kuren, be riwo̱ng nanu kaye̱e̱r yin e̱? I be̱s kamok ike̱re̱ yin ta shim yin iya i ta nye itso̱m kaye̱e̱r aye̱ yin aꞌa?

aYakub 1:15

To̱, izen iya ne kushim riye̱ wu nyeseng be agap, a ta yiir nye rine̱n, ke ri rasak dide̱ng, ri ta be̱e̱n be riku.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

Afisa 2:11

Kamok anong, yiring yin kuri kusor yin agbugbang. Yin nye yin áner aYahuda baꞌ nutes. Ba áya a ta yis rice ba ye, “áfe izhak'ong” ne á ka yis yin ye, “ashurukur.” Izhak'ong a nye be ibo̱k natoon kuro̱m tse̱k.

aRom 7:23

Amma kaye̱e̱r kuro̱m'i, mi fok ike̱ng ikak ze̱e̱r ta nye itomong be iya riye̱ mi ta shim. Ike̱ng i ta sak kuro̱m'i be riye̱ mi ta can, ne i te kyo̱ndi asam kaye̱e̱r kukuus ike̱ng iya i ta se kaye̱e̱r kuro̱m'i.

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

aRom 6:19

Mi fe̱ rife̱ na kuri rife rinerawe kamok kuraar yin kufe ánerawe. Kyo̱ndi yin tá tsang i sok yin abas akak afe kuro̱m yin nong i tin nye yin ike̱re̱ i ta se kye̱re̱ ne amaan kunye, kyo̱o̱rna no̱o̱k yin rice yin kyo̱ndi ásam natoon kunye ike̱re̱ i tana tonong ye yin se yin gye̱r nong ta te yin azhe̱l'e.

aRom 5:20

Ike̱ng i tá sak a ta nye Itsi se nong rine̱n tà wuruk kanang. Amma nizen iya ne rine̱n tin barang, ne ritek Adakunom nibarang dide̱ng,

aRom 4:15

Itsi ta kyem i be̱e̱n riye̱ kubeseng Adakunom. Karo̱ kaya ne Itsi tu kuse baꞌ, kutaam tu kuse baꞌ.

aRom 3:20

Akak ta se̱ ku te gye̱r nasho̱o̱n Adakunom kamok a ta kuus ike̱ng iya Itsi tá fe̱ ye a ra nye baꞌ. Ike̱ng iya Itsi ta nye se ye, nong i ta tonong ánerawe rine̱n ba ingya.

aRom 1:26

Kamok anong, Adakunom tú ku won ba nong á tá kuus ike̱re̱ isum iya aye̱ ba tá shim. Ányining nye rikuna be ányining áfudang ba, anong ne Adakunom nye baꞌ.

aYohana 3:6

Anerawe tes anerawe afudang, amma Kabik tes afe Kabik.

aMatiyu 15:19

Kamok kaye̱e̱r riye̱ ne amaan kuto̱ro̱ng nes, ike̱re̱ kyo̱ndi kufe̱r akak, be rikuna, ne kunyiis kuro̱m kpe̱de̱ng, be itsang, ne abo̱o̱s, be kukas Adakunom.

2 aKoranti 10:3

Gip be i ta se yir kaye̱e̱r kazatse, yir ko̱n yir itsom kyo̱ndi áfe kazatse ta ko̱n baꞌ.