aRom 7:21 - Izere New Testament

²¹ Mi ma ren ye ike̱ng na be itomong: Nizen iya mi ta shim ta nye ike̱ng i ta nye itek, ne mi ban i shishing i di imaan'e mak be mi.

aRom 7:21 Referans Kwoze

aRom 7:23

Amma kaye̱e̱r kuro̱m'i, mi fok ike̱ng ikak ze̱e̱r ta nye itomong be iya riye̱ mi ta shim. Ike̱ng i ta sak kuro̱m'i be riye̱ mi ta can, ne i te kyo̱ndi asam kaye̱e̱r kukuus ike̱ng iya i ta se kaye̱e̱r kuro̱m'i.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aRom 6:14

Rine̱n tin nye rigwo̱m natoon yin baꞌ, kamok sang Itsi ne ti nye rigwo̱m natoon yin baꞌ, amma ritek Adakunom.

aRom 6:12

Kamok anong, tu won yin rine̱n tin nye rigwo̱m natoon kuro̱m yin nong ta kuus yin amaan ike̱ng iya wu tà shim baꞌ.

2 aBitrus 2:19

Á fe̱ be ánerawe ye ba ta se̱ kusor ne̱k, amma ba be rice ba nye ásam kusor kpe̱de̱ng. Kamok anerawe nye asam nufe koakye ike̱ng i tin nye rigwo̱m ni wu.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

aYohana 8:34

aYeso fe̱ be ba ye, “Katsak'e, mi ta ka tak yin, koangan ne a nye rine̱n a nye asam rine̱n.

aLuka 4:1

aYeso dorok ni isho̱ng aUrdun. An shining be Kabik Kazhe̱l'e, ne Kabik Kazhe̱l'e tseng be wu kaye̱e̱r katse,

aRom 7:25

Mi be riye̱ rikan be Adakunom kamok a ti shesh be aYeso Kiristi Agwo̱m Ágwo̱m yir. Kamok anong kaye̱e̱r riye̱ mi, mi te asam Itsi Adakunom, amma kaye̱e̱r kuse rinerawe mi te asam ike̱re̱ ife rine̱n tá fe̱ ye i ra nye.